ساناۋلى كٷننەن سوڭ ورازا ايى باستالادى. وسى ورايدا ورازا كەزٸندە جاماعاتپەن ناماز وقۋدا ماسكا تاعىپ, اراقاشىقتىقتى ساقتاۋ مٸندەتتٸ ەمەس. بۇل تۋرالى قازاقستان مۇسىلماندارى دٸني باسقارماسى تٶراعاسىنىڭ ورىنباسارى, نايب مٷفتي ەرشات قاجى وڭعار مەلٸم ەتتٸ, دەپ حابارلايدى قازاقپارات.
«ٶزدەرٸڭٸز بٸلەتٸندەي, مامانداردىڭ ايتۋىنشا سوڭعى ۋاقىتتا ەلدەگٸ ەپيدجاعداي تۇراقتالىپ, كارانتين تالاپتارى شەتٸنەن الىنىپ جاتىر. وسىعان وراي جاماعاتپەن وقيتىن ناماز كەزٸندە ماسكا تاعۋ ەركٸمنٸڭ ٶز ەركٸندە. سونىمەن قاتار ناماز وقۋ كەزٸندە اراقاشىقتىقتى ساقتاۋ دا مٸندەتتٸ ەمەس. ياعني قالىپتى جاعدايدا ٶتەدٸ دەپ جوسپارلاپ وتىرمىز», - دەدٸ نايب مٷفتي ەرشات قاجى وڭعار ورتالىق كوممۋنيكاتسييالار قىزمەتٸندە ونلاين ٶتكەن باسپاسٶز مەسليحاتىندا.
ونىڭ ايتۋىنشا, بيىلعى ورازادا 5 ۋاقىت ناماز ەل مەشٸتتەرٸندە قالىپتى جاعدايدا وقىلادى.
«بٷگٸندە بارلىق مەشٸتتەردٸڭ ەسٸگٸ اشىق. كەز كەلگەن ۋاقىتتا بارىپ, نيەت ەتٸپ, قۇلشىلىق جاساۋعا بولادى. سونىمەن قاتار ورازا كەزٸندە قايىرىمدىلىق جاساپ, ساداقا بەرۋ ماڭىزدى. وسى ورايدا ساداقا بەرۋدٸڭ بٸرنەشە تەسٸلٸ بار. اتاپ ايتقاندا, مەشٸتتەردٸڭ جانىندا ارنايى تەرمينالدار قويىلعان. ودان بٶلەك, موبيلدٸ تەلەفونداعى تٷرلٸ قوسىمشالار ارقىلى دا ساداقا ەتۋ مٷمكٸندٸگٸ بار», - دەيدٸ ول.
