instagram/zhumagulov_zhalgas
ارالاس جەكپە-جەك شەبەرٸ جالعاس جۇماعۇلوۆ (17-9) گامبۋرگتە (گەرمانييا) ٶتكەن OKTAGON 73 تۋرنيرٸندە چەمپيون اتاندى, - دەپ حابارلايدى Ult.kz Vesti.kz-كە سٸلتەمە جاساپ.
جالعاس ەڭ جەڭٸل سالماق دەرەجەسٸندە ٶتكەن تيتۋل كەزدەسۋٸندە گرۋزييادان كەلگەن قازٸرگٸ چەمپيون بەنو ادامييامەن (12-8-2) كٷش سىناستى.
ادامييا جەكپە-جەك الدىندا سالماق شەگٸنەن اسىپ كەتكەندٸكتەن, وكتاگونعا سارى كارتامەن شىقتى.
بەس راۋندقا جوسپارلانعان جەكپە-جەكتٸڭ قورىتىندىسى بويىنشا جالعاس جەڭٸسكە جەتٸپ, ليگانىڭ جاڭا چەمپيونى اتاندى. ول قارسىلاسىن سوڭعى راۋندتا بٸر رەت نوكداۋنعا دا تٷسٸردٸ.
ايتا كەتەيٸك, ادامييا بۇل جەكپە-جەككە قاتارىنان التى رەت جەڭٸسكە جەتكەن ەدٸ, بٸراق بۇل جولى جۋماگۇلوۆقا ەسە جٸبەردٸ. ال جالعاس قاتارىنان تٶرتٸنشٸ جەكپە-جەكتە جەڭٸسكە جەتٸپ وتىر. Oktagon - ەۋروپاداعى ٷزدٸك ليگالاردىڭ بٸرٸ.
ەسكە سالايىق, جۇماگۇلوۆ بۇعان دەيٸن UFC-دە ٶنەر كٶرسەتكەن. ول پروموۋشەندە جەتٸ جەكپە-جەك ٶتكٸزٸپ, بٸر رەت جەڭٸسكە جەتٸپ, التى رەت جەڭٸلگەن. UFC-دەن 2023 جىلى كەتكەن.
جالعاس بۇعان دەيٸن Fight Nights Global ۇيىمىندا چەمپيون بولعان. ول 2018–2019 جىلدارى ەڭ جەڭٸل سالماقتا بۇل ليگانىڭ چەمپيوندىق بەلبەۋٸنە يە بولدى.
