جالعان شوت-فاكتۋرالار بويىنشا زالال سوماسى 183 ملرد تەڭگە بولاتىن 618 قىلمىستىق ٸس قوزعالدى. بۇل تۋرالى قر قم مەملەكەتتٸك كٸرٸستەر كوميتەتٸنەن مەلٸم ەتتٸ, دەپ حابارلايدى قازاقپارات.
قر قارجى مونيتورينگٸ اگەنتتٸگٸ بۇعان دەيٸن «ايدي ستروي» جشس-نىڭ باسشىسى د.قۇرمانعوجينوۆانىڭ زاڭسىز ەرەكەتتەرٸنەن مەملەكەتكە 900 ملن تەڭگە كٶلەمٸندە ٸرٸ زالال كەلتٸرٸلگەنٸن مەلٸم ەتكەن بولاتىن.
«بۇل ەرەكەتتەردٸ ديرەكتور جشس اتىنان بۋحگالتەرلٸك قۇجاتتاردا جالعان قىزمەتتەر مەن تاۋار جەتكٸزٸلٸمٸن كٶرسەتە وتىرىپ, 54 تاپسىرىس بەرۋشٸنٸڭ اتىنا جالعان شوت-فاكتۋرالار جازىپ بەرۋ ارقىلى جٷزەگە اسىرعان.
وسى جالعان مەمٸلەلەر ارقىلى تاپسىرىس بەرۋشٸلەر سالىق ەسەپتٸلٸگٸندەگٸ شىعىنداردى زاڭسىز ارتتىرىپ, سالىق مٸندەتتەمەلەرٸن ازايتقان.
سوت شەشٸمٸ زاڭدى كٷشٸنە ەنگەننەن كەيٸن مەملەكەتتٸك كٸرٸستەر ورگاندارى كامەرالدىق باقىلاۋ نەمەسە سالىق اۋديتٸ شەڭبەرٸندە تالاپ قويۋ مەرزٸمٸ شەگٸندە تٶلەنبەگەن سالىقتاردى تاپسىرىس بەرۋشٸلەردەن تالاپ ەتەدٸ.
سونىمەن قاتار مەملەكەتتٸك كٸرٸستەر ورگاندارى جالعان شوت-فاكتۋرالاردى پايدالانۋ ارقىلى جاسالعان قۇقىققا قارسى ٸس-ەرەكەتتەردٸڭ جولىن كەسۋ بويىنشا الدىن الۋ شارالارىن تۇراقتى نەگٸزدە قابىلدايدى», - دەلٸنگەن قر قم مەملەكەتتٸك كٸرٸستەر كوميتەتٸنٸڭ حابارلاماسىندا.
ايتا كەتەيٸك, ادال بەسەكەلەستٸكتٸ قورعاۋ, «جالعان مەمٸلەلەردٸ» ەرتە انىقتاۋ ماقساتىندا 2019 جىلدان باستاپ تەۋەكەلدەردٸ باسقارۋ جٷيەسٸن پايدالانا وتىرىپ, تەۋەكەلٸ جوعارى سالىق تٶلەۋشٸلەر بويىنشا ەلەكتروندى شوت-فاكتۋرالاردى جازىپ بەرۋدٸ شەكتەۋ جٶنٸندەگٸ پيلوتتىق جوبا ٸسكە قوسىلدى. بۇل ماقسات زيياتكەرلٸك تالداۋدى قولدانا وتىرىپ, ەلەكتروندىق شوت-فاكتۋرالاردىڭ مەلٸمەتتەرٸن تالداۋ ارقىلى جٷزەگە اسىرىلادى.
بۇل ادال بيزنەسكە ٶزدەرٸن «بٸر كٷندٸك» فيرمالارمەن بايلانىستان قورعاۋعا كٶمەكتەسەدٸ, ايتارلىقتاي زييان كەلتٸرۋ جەنە ۇزاق ۋاقىت ٶتكەننەن كەيٸن ٶسٸمپۇلداردى ەسەپتەي وتىرىپ سالىق تٶلەۋ قاۋپٸن ازايتادى.
«بٷگٸنگٸ تاڭدا 8 مىڭ سالىق تٶلەۋشٸگە ەشف جازۋ مٷمكٸندٸگٸ شەكتەلگەن, مۇنداعى تەۋەكەل اينالىمىنىڭ سوماسى 3,3 ترلن تەڭگە.
بۇدان ەرٸ, نارازىلىق-تالاپ قويۋ جۇمىسى جٷرگٸزٸلۋدە, ونىڭ نەتيجەسٸندە بٷگٸندە 529 ملرد تەڭگەگە ەشف جازعان مەكەمەلەردٸڭ تٸركەلۋٸ جارامسىز دەپ تانىلدى, 160 ملرد تەڭگە مەمٸلەلەرٸ جارامسىز دەپ تانىلدى. قازاقستان رەسپۋبليكاسى قىلمىستىق كودەكسٸنٸڭ 216-بابى بويىنشا زالال سوماسى 183 ملرد تەڭگە بولاتىن 618 قىلمىستىق ٸس قوزعالدى», - دەپ حابارلادى مەملەكەتتٸك كٸرٸستەر كوميتەتٸندە.
