اقتٶبە پوليتسيياسى «مەكتەپتەردە بومبا بار» دەگەن حابارلامادان سوڭ تەكسەرۋ جٷرگٸزٸپ, ونىڭ جالعان ەكەندٸگٸن ايتتى, دەپ حابارلايدى قازاقپارات.
«2-قىركٷيەك كٷنٸ ساعات 07:20 شاماسىندا اقتٶبە قالاسىنداعى №1, 2, 21, 22 جەنە 56 ورتا مەكتەپتەرٸنٸڭ ەلەكتروندى پوشتاسىنا «عيماراتقا بومبا قويىلعانى» تۋرالى حابارلاما كەلٸپ تٷستٸ. بارلىق شۇعىل قىزمەتتەر مەن ساپەرلار توبى دەرەۋ وقيعا ورنىنا شىقتى. عيماراتتاردى تەكسەردٸ. وقۋ ورىندارىندا وقۋشىلار بولعان جوق. جارىلعىش قۇرىلعىلار تابىلعان جوق. پوليتسييا دەپارتامەنتٸ انونيمدٸ حابارلامالاردىڭ اۆتورىن انىقتاۋعا جەنە ۇستاۋعا باعىتتالعان جەدەل ٸس-شارالار جٷرگٸزٸپ جاتىر. اتالعان دەرەك بويىنشا قىلمىستىق كودەكستٸڭ «تەرروريزم اكتٸسٸ تۋرالى كٶرٸنەۋ جالعان حابارلاۋ» بابى بويىنشا سوتقا دەيٸنگٸ تەرگەۋ باستالدى. وسى باپتىڭ سانكتسيياسى بەس جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازانى كٶزدەيدٸ», - دەپ حابارلادى وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
وبلىستىق بٸلٸم باسقارماسىنىڭ باسشىسى جولداس باتىرحاننىڭ ايتۋىنشا, مەكتەپ پوشتاسىنا تٷسكەن حابارلاما - كەشەگٸ حابارلامانىڭ دەل كٶشٸرمەسٸ. وندا 6 مەكتەپكە جارىلعىش زات قويىلعانى تۋرالى جازىلعان. مەكتەپ ەكٸمشٸلٸگٸ دەرەۋ پوليتسيياعا حابارلاپ, بٸر ساعات بويى تەكسەرۋ جٷرگٸزٸلدٸ. كەيٸن ساباق كەستەگە سەيكەس جالعاستى.
