فوتو: قر عجبم
قازاقستاندا ينتەرنەتتە جالعان ديپلومدار تۋرالى اقپاراتتىڭ كٶبەيۋٸنە بايلانىستى جوعارى وقۋ ورىندارى تٷلەكتەرٸنٸڭ قۇجاتتارىن تەكسەرۋ تەتٸگٸ كٷشەيتٸلدٸ. قر عىلىم جەنە جوعارى بٸلٸم مينيسترلٸگٸ 1991 جىلدان بەرٸ بەرٸلگەن ديپلومداردى قامتيتىن بٸرىڭعاي دەرەكتەر بازاسىن قۇردى, دەپ حابارلايدى Ult.kz.
مينيسترلٸكتٸڭ مەلٸمەتٸنشە, ديپلومداردىڭ مازمۇنىنا قويىلاتىن تالاپتار مەن ولاردىڭ رەسمي سەرييالارى بەلگٸلەندٸ. ەندٸ ەربٸر ديپلوم ارنايى مودۋل ارقىلى بٸرەگەي نٶمٸر جەنە QR-كود بەرۋ جولىمەن گەنەراتسييالانادى. بۇل جٷيەگە قول جەتكٸزۋ قۇقىعى تەك رەسمي تٸركەلگەن ۋنيۆەرسيتەت قىزمەتكەرلەرٸنە عانا بەرٸلەدٸ.
ديپلوم نٶمٸرٸن قالىپتاستىرۋ «جوعارى بٸلٸم بەرۋدٸڭ بٸرىڭعاي پلاتفورماسى» (جببپ) دەرەكتەرٸنە نەگٸزدەلەدٸ. ەگەر ستۋدەنت تۋرالى اقپارات جببپ بازاسىندا جوق بولسا, ديپلومدى زاڭدى تٷردە رەسٸمدەۋ مٷمكٸن ەمەس. دەمەك, بٸرەگەي نٶمٸرٸ مەن QR-كودى جوق ديپلومدار جارامسىز دەپ تانىلادى.
سونىمەن قاتار, قر مەدەنيەت جەنە اقپارات مينيسترلٸگٸ مەن ٸشكٸ ٸستەر مينيسترلٸگٸ جالعان ديپلومداردى دايىنداۋ جەنە ساتۋ دەرەكتەرٸن تۇراقتى تٷردە باقىلاۋدا ۇستايدى. قىلمىستىق كودەكستٸڭ 385-بابىنا سەيكەس جالعان قۇجات جاساۋ نەمەسە قولدانۋ ايىپپۇل سالۋعا, تٷزەۋ جۇمىستارىنا نەمەسە ەكٸ جىلعا دەيٸن باس بوستاندىعىنان شەكتەۋگە نە ايىرۋعا ەكەپ سوعادى.
بٷگٸنگٸ كٷنٸ 46 جالعان ديپلوم مەن ولاردى زاڭسىز دايىنداعان 20 ينتەرنەت-رەسۋرس انىقتالىپ, ماتەريالدار ٸٸم مەن مام-عا جولدانعان.
جوعارى وقۋ ورىندارى دەرەكتەردٸ تسيفرلاندىرۋ جۇمىستارىن جالعاستىرادى. ال جۇمىس بەرۋشٸلەر ديپلومنىڭ تٷپنۇسقالىعىن epvo.kz سەرۆيسٸ ارقىلى تەكسەرە الادى. ديپلومنىڭ ەلەكتروندىق نۇسقاسى سونداي-اق «تسيفرلىق قۇجاتتار» موبيلدٸ قوسىمشاسىندا قولجەتٸمدٸ.
ۇلتتىق ۆەدومستۆو ازاماتتاردى جالعان ديپلوم جاساۋدىڭ نەمەسە قولدانۋدىڭ زاڭمەن قاتاڭ جازالاناتىنىن ەسكەرتەدٸ.
