ۇلتتىق بانك جالعان اقشا مەن شىن اقشانى اجىراتۋدىڭ جولدارىن جارييالادى, دەپ حابارلايدى "ۇلت اقپارات".
بانك ماماندارىنىڭ ايتۋىنشا, قولدان اقشا جاساۋشىلار نەگٸزٸنەن ۆيزۋالدى قورعانىش ەلەمەنتتەرٸن يميتاتسييالايدى. ياعني, قولدان جاساۋ مٷمكٸن ەمەس قورعانىش ەلەمەنتتەرٸنە ۇقساس بەينەلەر جاسايدى.
«بٸر قاراعاندا, ولار شىن اقشا سيياقتى بولۋى مٷمكٸن, بٸراق بانكنوتتى مۇقييات زەردەلەپ كٶرگەن كەزدە قولدان جاسالعانىن انىقتاي الاسىز. تٷپنۇسقا بانكنوتتار ايقىن بەينەلەرٸمەن ەرەكشەلەنەدٸ, اڭىزداعى سامۇرىق قۇسى تٷرٸندەگٸ سۋ بەلگٸسٸ, نومينالى, سونداي-اق جارىق تٷسٸرگەن كەزدە انىق كٶرٸنەتٸن قورعانىش جٸبٸ بار», - دەپ جازىلعان تٷسٸندٸرمەدە.
شىن بانكنوتتى جالعان اقشادان اجىراتۋ ٷشٸن تٷپنۇسقاداعى بٸرنەشە بەلگٸنٸ بٸلۋ جەتكٸلٸكتٸ كٶرٸنەدٸ. ەلٸمٸزدەگٸ جالعان بانكنوتتاردىڭ نەگٸزگٸ بٶلٸگٸ تٷپنۇسقانىڭ كەيبٸر بەلگٸلەرٸن عانا يميتاتسييالايتىن جەڭٸلدەتٸلگەن تەحنولوگييامەن شىعارىلادى ەكەن. قولدان جاسالعان مۇنداي بانكنوتتى ارنايى جابدىقتىڭ كٶمەگٸنسٸز-اق «سەزٸن – قارا – اۋدارىپ كٶر» ەدٸسٸن قولدانۋ ارقىلى انىقتاۋعا بولادى.
ياعني ەڭ ەۋەلٸ بانكنوتتى ۇستاپ سەزٸنۋ قاجەت.
«بانكنوت قاعازى ەرەكشە شىتىرلايدى. بارلىق بانكنوتتا بەدەر بەرەتٸن ارنايى مٶر باسىلعان. ەگەر «قازاقستان ۇلتتىق بانكٸ» دەگەن اتاۋدى نەمەسە قازاقستان كارتاسىنداعى ارحيتەكتۋرالىق بەينەلەردٸ ساۋساقپەن ۇستاپ كٶرسە, بەدەردٸ سەزۋگە بولادى», - دەپ جازادى ۇلتتىق بانك مانادارى.
سونىمەن قاتار, بارلىق بانكنوتتا كٶزٸ ناشار كٶرەتٸن ادامدارعا ارنالعان بەلگٸلەر بار, ولار بانكنوتتىڭ تٶمەنگٸ بٶلٸگٸندە ورنالاسقان. بۇلار – ۇستاپ كٶرگەندە جاقسى اجىراتۋعا بولاتىن جوعارى بەدەرلٸ ەلەمەنتتەر.
ەكٸنشٸدەن, بانكنوتتى مۇقييات قاراۋ كەرەك.
«باستاپقىدا اقشا بەلگٸسٸنٸڭ تازا, ايقىن, كونتراستى نەمەسە لاس بولۋىن, داقتارىنىڭ بولۋىن جالپى كٶزبەن كٶرٸپ زەردەلەۋ قاجەت. بانكنوتتى جارىققا قاراتىپ, اڭىزداعى سامۇرىق قۇسى تٷرٸندەگٸ سۋ بەلگٸسٸن جەنە نومينالدىڭ ساندىق بەينەسٸن كٶرۋگە بولادى. دەل وسى سيياقتى, جازۋلارى بار نٷكتەلٸك سىزىقتار تٷرٸندە قاعاز بەتٸندە پايدا بولاتىن ماگنيتتٸ (مەتالداندىرىلعان) ٷزٸك جٸپتٸ تەكسەرۋ قاجەت. ول بٸرتۇتاس بولۋى كەرەك», - دەلٸنگەن تٷسٸندٸرمەدە.
اقشانىڭ جالعان ەمەس ەكەنٸن انىقتاۋدىڭ ٷشٸنشٸ جولى - بانكنوتتى اۋدارىپ قاراۋ.
1000 تەڭگەدەن 20 000 تەڭگەگە دەيٸنگٸ بانكنوتتاردا كٶلبەۋ بۇرىشىنا قاراي تٷسٸن جاسىلدان التىن تٷسكە دەيٸن ٶزگەرتەتٸن ەرەكشە ەلەمەنت بار. بانكنوتتى ەر تٷرلٸ بۇرىشتارعا باياۋ بۇرعان كەزدە ەلەمەنت بويىمەن تٷستٸ جولاقتىڭ قوزعالىسىن كٶرۋگە بولادى.
سونداي-اق, 2000 جەنە 5000 تەڭگەلٸك بانكنوتتاردىڭ سىرت جاعىندا گولوگرافييالىق جولاق بار. گولوگرامماداعى سۋرەتتەر جارقىرايدى جەنە ديناميكالىق ەسەرٸ بار.
