فوتو: elements.envato.com
الداعى ۋاقىتتا جالدامالى ٷي العان ازاماتتارعا باسپانانى بالانستىق باعاعا ساتىپ الۋعا مٷمكٸندٸك بەرٸلەدٸ. بۇل تۋرالى ٶنەركەسٸپ جەنە قۇرىلىس مينيسترٸ قانات شارلاپاەۆ مەلٸمدەدٸ, دەپ حابارلايدى Sputnik قازاقستان.
مينيستردٸڭ ايتۋىنشا, قازٸرگٸ كەزدە تيٸستٸ تٷزەتۋلەر مەجٸلٸستٸڭ قاراۋىندا جاتىر. زاڭعا ەنگٸزٸلەتٸن ٶزگەرٸستەر بار. سوسىن مينيسترلٸكتٸڭ دەڭگەيٸندە نورماتيۆتٸك بازاعا تٷزەتۋ ەنگٸزۋ كەرەك.
"ەڭ الدىمەن جالدامالى پەتەردە تۇراتىن ادامدار باسپانانى ساتىپ الۋعا مٷمكٸندٸك الادى. ەزٸرشە, بەس جىل دەپ وتىرمىز, ياعني, جالدامالى پەتەردە بەس جىل تۇرعان ادام ونى ساتىپ الۋ قۇقىعىنا يە بولادى. ال باعاسىنا كەلەر بولساق, جالدامالى پەتەردٸ نارىقتىق باعاعا ەمەس, بالانستىق باعاعا ساتىپ الۋعا قاتىستى كەلٸسسٶزدەر جٷرگٸزٸپ جاتىرمىز. سوندا ول ادامدارعا جەڭٸلدەۋ بولادى", - دەدٸ شارلاپاەۆ بٷگٸنگٸ بريفينگتە.
وسى ورايدا مينيستر "جالدامالى پەتەردٸڭ بالانستىق باعاسى" دەگەنٸمٸز نە ەكەنٸن دە تٷسٸندٸردٸ. ونىڭ سٶزٸنە قاراعاندا, پەتەر ەكٸمدٸك بالانسىنا قانداي باعاعا الىنسا, سونداي باعاعا ساتىلادى.
مەجٸلٸس تيٸستٸ تٷزەتۋلەردٸ قابىلداپ, زاڭعا ەنگٸزۋٸ كەرەك. سودان كەيٸن عانا جالدامالى پەتەردٸ جەكە مەنشٸككە ساتىپ الۋعا بولادى.
