مەملەكەتتەن ساتىپ الۋ قۇقىعىنسىز, جالدامالى پەتەردٸ 5 جىل مەرزٸمگە العان جاستار باسپانا بويىنشا باسقا باعدارلامالارعا قاتىسا المايدى, دەپ حابارلايدى قازاقپارات تٸلشٸسٸ.
«وسى باعدارلاما ارقىلى جاستار جالدامالى ٷيدٸ الىپ جاتسا, ول ٷمٸتكەر باسپانا بويىنشا ەكٸ تٸزٸمدە بولا المايدى. ياعني, ول باسپانا بويىنشا باسقا كەزەكتەن شىعارىلادى. جالدامالى ٷيگە يە بولعان ازامات «7-20-25» سەكٸلدٸ نەمەسە باسقا دا ەكٸمدٸكتٸڭ باعدارلاماسىندا تۇرسا, ولاردان اۆتوماتتى تٷردە الىنىپ قالادى. تەك بٸر تٸزٸمدە بولادى», - دەدٸ اقپارات جەنە قوعامدىق دامۋ مينيسترلٸگٸنٸڭ جاستار جەنە وتباسى ٸستەرٸ بويىنشا كوميتەت تٶراعاسىنىڭ ورىنباسارى شاحماردان بايمانوۆ ەلوردا ەكٸمدٸگٸنٸڭ باسپاسٶز ورتالىعىنداعى بريفينگتە.
ايتا كەتسەك, 5-10 قاراشا ارالىعىندا ەلوردادا جۇمىس ٸستەيتٸن جاستاردان ساتىپ الۋ قۇقىعىنسىز جالدامالى پەتەر بويىنشا ٶتٸنٸش قابىلدانادى. ٶتٸنٸش تەك ەلەكتروندى تٷردە Smart Astana پورتالى ارقىلى قابىلدانادى.
نۇر-سۇلتاندا بيىل بٸر جەنە ەكٸ بٶلمەلٸ 1050 پەتەر بەرٸلەدٸ (30-70 شارشى مەترگە دەيٸن). قۇرىلىس باسقارماسىنىڭ مەلٸمەتٸ بويىنشا, جاستارعا 202 ەكٸ بٶلمەلٸ جەنە 848 بٸر بٶلمەلٸ پەتەر تاپسىرىلادى.
