Memleketten satyp alý quqyǵynsyz, jaldamaly páterdi 5 jyl merzimge alǵan jastar baspana boiynsha basqa baǵdarlamalarǵa qatysa almaidy, dep habarlaidy QazAqparat tilshisi.
«Osy baǵdarlama arqyly jastar jaldamaly úidi alyp jatsa, ol úmitker baspana boiynsha eki tizimde bola almaidy. Iaǵni, ol baspana boiynsha basqa kezekten shyǵarylady. Jaldamaly úige ie bolǵan azamat «7-20-25» sekildi nemese basqa da ákimdiktiń baǵdarlamasynda tursa, olardan avtomatty túrde alynyp qalady. Tek bir tizimde bolady», - dedi Aqparat jáne qoǵamdyq damý ministrliginiń Jastar jáne otbasy isteri boiynsha komitet tóraǵasynyń orynbasary Shahmardan Baimanov elorda ákimdiginiń baspasóz ortalyǵyndaǵy brifingte.
Aita ketsek, 5-10 qarasha aralyǵynda elordada jumys isteitin jastardan satyp alý quqyǵynsyz jaldamaly páter boiynsha ótinish qabyldanady. Ótinish tek elektrondy túrde Smart Astana portaly arqyly qabyldanady.
Nur-Sultanda biyl bir jáne eki bólmeli 1050 páter beriledi (30-70 sharshy metrge deiin). Qurylys basqarmasynyń málimeti boiynsha, jastarǵa 202 eki bólmeli jáne 848 bir bólmeli páter tapsyrylady.
