قر دەنساۋلىق ساقتاۋ مينيسترلٸگٸ مەديتسينالىق كٶمەكتٸ ۇيىمداستىرۋ دەپارتامەنتٸ ديرەكتورىنىڭ ورىنباسارى گٷلنار سەرسەنباەۆا بٸرىڭعاي جيناقتاۋشى زەينەتاقى قورىنان الىنعان قاراجاتتى قانداي ەمگە جۇمساۋعا بولاتىندىعىن ايتتى, دەپ حابارلايدى قازاقپارات.
«ونى الۋ ٷشٸن ازامات بجزق-نىڭ ينتەرنەت-رەسۋرسى نەمەسە «ەلەكتروندىق ٷكٸمەت» ۆەب-پورتالى ارقىلى بٸرجولعى زەينەتاقى تٶلەمٸنٸڭ قولجەتٸمدٸ سوماسىن انىقتاۋى قاجەت. ەگەر قورداعى سوما جەتكٸلٸكتٸ بولسا, وندا ازامات تٸركەلگەن جەرٸ بويىنشا مەديتسينالىق ۇيىمعا جٷگٸنٸپ, دەرٸگەرلٸك كوميسسييانىڭ بٸرجولعى زەينەتاقى تٶلەمدەرٸ ەسەبٸنەن ەمدەلۋگە جٸبەرۋ تۋرالى قورىتىندىسىن الۋى قاجەت», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ تٷسٸندٸرۋٸنشە, دەرٸگەرلٸك كوميسسييا ٶتٸنٸش بەرگەن كٷننەن باستاپ 5 جۇمىس كٷنٸنەن كەشٸكتٸرمەي زەينەتاقى تٶلەمدەرٸ ەسەبٸنەن ەمدەلۋگە جٸبەرۋ تۋرالى نە مەديتسينالىق كٶرسەتكٸش بولماعان جاعدايدا باس تارتۋ تۋرالى شەشٸم قابىلدايدى. قورىتىندى دەرٸگەرلٸك كوميسسييانىڭ وتىرىسى ٶتكٸزٸلگەن كٷننەن باستاپ 2 جۇمىس كٷنٸ ٸشٸندە بەرٸلەدٸ.
جيناقتالعان زەينەتاقى قاراجاتى ەسەبٸنەن ازاماتتار ورفاندىق اۋرۋلاردى ەمدەۋ, قازاقستان رەسپۋبليكاسىنىڭ اۋماعىندا ورنالاسقان مەديتسينالىق ۇيىمداردا كٶرسەتٸلەتٸن ستوماتولوگييالىق قىزمەتتەر (تٸستٸ پروتەزدەۋ, يمپلانتاتسييا), وپەراتسييادان كەيٸنگٸ تىرتىقتار مەن تۋا بٸتكەن اقاۋلاردى تٷزەتۋ ماقساتىندا رەكونسترۋكتيۆتٸ جەنە قالپىنا كەلتٸرۋ وپەراتسييالارى (پلاستيكالىق), سونداي-اق ماستەكتومييا, راديونۋكليدتٸك جەنە راديويودتەراپييا, راديوحيرۋرگييالىق ەمدەۋ (گامما-پىشاق, كيبەر پىشاق), پروتوندى تەراپييا, وفتالمولوگييالىق قىزمەتتەر سيياقتى قىمبات تۇراتىن قىزمەتتەردٸ الا الادى. سونىمەن قاتار, اتالعان تٸزبە حالىقتىڭ قاجەتتٸلٸگٸن ەسكەرە وتىرىپ, ٶزگەرۋٸ مٷمكٸن.
مەديتسينالىق كوميسسييانىڭ وڭ قورىتىندىسى بولعان جاعدايدا ٶتٸنٸش بەرۋشٸ مەديتسينالىق ۇيىمدى تاڭداپ, شارت جاساسۋى قاجەت. سودان كەيٸن, ەتسق كٶمەگٸمەن ۋەكٸلەتتٸ وپەراتوردىڭ ينتەرنەت-رەسۋرسىندا ٶزٸنٸڭ جەكە كابينەتٸن اشۋ, وندا سوماسىن, پايدالانۋ ماقساتىن كٶرسەتە وتىرىپ, بٸرجولعى زەينەتاقى تٶلەمٸنە ەلەكتروندىق ٶتٸنٸشتٸ تولتىرۋ, دەرٸگەرلٸك كوميسسييا قورىتىندىسىنىڭ سكانەرلەنگەن كٶشٸرمەلەرٸن, مەديتسينالىق ۇيىممەن ەمدەۋ تۋرالى شارتتى بەكٸتۋ جەنە ٶزٸنٸڭ ەتسق-مەن كۋەلاندىرۋ قاجەت. ٶتٸنٸش بەرۋشٸنٸڭ ەتسق-سى قويىلعان, ۋەكٸلەتتٸ وپەراتوردا تٸركەلگەن تٶلەمگە ارنالعان ٶتٸنٸش تۋرالى مەلٸمەتتەر بجزق-عا ەلەكتروندىق حابارلاما شەڭبەرٸندە كەلٸپ تٷسەدٸ. بجزق ۋەكٸلەتتٸ وپەراتوردان ەلەكتروندىق حابارلاما العان كٷننەن باستاپ 5 جۇمىس كٷنٸ ٸشٸندە بٸرجولعى زەينەتاقى تٶلەمٸنٸڭ سوماسىن ٶتٸنٸش بەرۋشٸنٸڭ ۋەكٸلەتتٸ وپەراتوردا اشىلعان ارنايى شوتىنا اۋدارادى.
ۋەكٸلەتتٸ وپەراتور الۋشى ۇسىنعان بٸرجولعى زەينەتاقى تٶلەمدەرٸنٸڭ نىسانالى ماقساتى بويىنشا قۇجاتتاردى تەكسەرەدٸ جەنە ولار سەيكەس كەلگەن جاعدايدا ولاردى العان كٷننەن باستاپ 5 جۇمىس كٷنٸ ٸشٸندە ٶتٸنٸش بەرۋشٸ تاڭداعان مەديتسينالىق ۇيىمنىڭ نىسانالى ماقساتى بويىنشا قاراجاتتى اۋدارادى.
«سونداي-اق, جۇبايىنىڭ (زايىبىنىڭ), جاقىن تۋىستارىنىڭ بٸرجولعى زەينەتاقى تٶلەمدەرٸن ەمدەۋگە پايدالانۋعا بولاتىنىن اتاپ ٶتكٸم كەلەدٸ. مۇنداي جاعدايلاردا تاراپتار جەكە كابينەتتە تۋىستىق قاتىناستاردى راستايتىن قۇجاتتاردى قوسا كٶرسەتٸپ, ولاردىڭ ەتسق-مەن كۋەلاندىرىلاتىن بٸرجولعى زەينەتاقى تٶلەمدەرٸن بەرۋ تۋرالى كەلٸسٸم جاساسادى», - دەدٸ گ.سەرسەنباەۆا.
