وليمپيادا چەمپيونى, قازاقستاننىڭ ەڭبەك ەرٸ جاقسىلىق ٷشكەمپٸروۆ قوردايداعى جانجالعا بايلانىستى حالىقتى سابىرعا شاقىردى, دەپ حابارلايدى قازاقپارات.
«تەۋەلسٸزدٸك الىپ, قانداي مەملەكەت ەكەنٸمٸزدٸ بٷكٸل دٷنيە جٷزٸنە تانىتىپ جاتىرمىز. بەرٸمٸز تاتۋ-تەتتٸ ٶمٸر سٷرٸپ جاتىرمىز. كەشەدەن بەرٸ جامبىل وبلىسىنداعى وقيعانى ەستٸدٸم. ەل بولعاننان كەيٸن ەرتٷرلٸ جاعداي بولادى. بٸزدٸڭ بابالارىمىز قانشاما عاسىر بويى قيىنشىلىقتى باسىنان كەشٸردٸ. بابالارىمىزدىڭ ەر ۋاقىتتا ٶزٸنٸڭ ۇستامدىلىعىمەن, سابىرلىعىمەن, دانالىعىمەن, اۋىزبٸرشٸلٸكپەن ەلدٸ ۇستاپ وتىرعانىن ۇمىتپاساق دەيمٸن», - دەدٸ جاقسىلىق ٷشكەمپٸروۆ.
قازاقستاننىڭ ەڭبەك ەرٸ ٶزٸ ەردايىم اۋىزبٸرشٸلٸكپەن, ىنتىماقتى قالايتىنىن جەتكٸزدٸ.
«مەن وتىز جاسىمدا وليمپيادا چەمپيونى بولدىم. قانشا جىل سابىرلىلىقتىڭ ارقاسىندا قيىنشىلىقتاردى باستان ٶتكەردٸك. قازاعىمنىڭ مىقتىلىعىنىڭ ارقاسىندا مەن سونداي بيٸككە كٶتەرٸلدٸم. سول سەبەپتٸ بەرٸمٸز سابىرلىلىق ساقتاي وتىرىپ, وسىنداي كيكٸلجٸڭدٸ بٸرگە توقتاتىپ, جاستارعا ٷلگٸ بولاتىنداي سٶز ايتىپ, قازاقتىڭ ىنتىماقسٷيگٸش ەل ەكەنٸن كٶرسەتۋٸمٸز كەرەك», - دەدٸ ول.
جاقسىلىق ٷشكەمپٸروۆ جاستاردىڭ ٶز كەلەشەگٸن ويلاۋى كەرەكتٸگٸن جەتكٸزدٸ.
«ٶزٸمٸز بٷلدٸرٸپ جاتساق, كەيٸنگٸ بۋىنعا قانداي تەربيە بەرەمٸز. بارلىق قيىنشىلىق جاعدايدا سابىرمەن ورتاق شەشٸمگە كەلەيٸك. ەلٸم مەن جۇرتىم امان بولسىن. ٷلكەندٸ قۇرمەتتەپ ٶسكەن حالىقپىز. سوندىقتان اقساقالدارىمىزدى تىڭداپ, بٸر-بٸرٸمٸزگە تەك جاستارعا ٷلگٸ بولارلىق ٸس كٶرسەتە بٸلۋٸمٸز كەرەك دەپ ويلايمىن. ەلٸمٸز امان, جۇرتىمىز تىنىش بولسىن», - دەدٸ ول.
بۇعان دەيٸن جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي تٶبەلەس بولعانىن حابارلاعان بولاتىنبىز.
كٶپ ۋاقىت ٶتپەي پرەزيدەنت قاسىم-جومارت توقاەۆ وسى وقيعاعا قاتىستى پٸكٸر بٸلدٸردٸ.
«جامبىل وبلىسى قورداي اۋدانىندا بۇزاقىلىق سيپاتتاعى جاپپاي تٶبەلەس بولدى. ونى ارانداتۋشىلار ٶز پايداسىنا قولدانباق بولعان. پوليتسييا جاعدايدى رەتتەپ, ٶز باقىلاۋىنا الدى. قوعامدىق تەرتٸپتٸ بۇزعاندار جاۋاپكەرشٸلٸككە تارتىلادى», دەپ جازدى قاسىم-جومارت توقاەۆ Twitter-دەگٸ پاراقشاسىندا.
ال بٷگٸن مەملەكەت باسشىسى جامبىل وبلىسىنداعى وقيعاعا بايلانىستى مەلٸمدەمە جاسادى.
