عالامشاردىڭ بارلىق ايماقتارىندا كليماتتىڭ ٶزگەرۋٸ بايقالۋدا. بۇل پروتسەسس جىلدام قارقىن الىپ, ونىڭ سالدارى ورنى تولماس جاعدايلارعا ەكەلۋدە. بۇل تۋرالى جەنەۆادا جارييا ەتٸلگەن كليمات بويىنشا ٷكٸمەتارالىق ساراپشىلار توبىنىڭ بايانداماسىندا ايتىلدى, دەپ حابارلايدى بۇۇ جاڭالىقتار ورتالىعى.
ورنى تولمايتىن قاۋٸپتٸ ٶزگەرٸستەر
بٷگٸندە ادامزات قىزمەتٸنٸڭ قاتىسۋىمەن بولعان جاھاندىق جىلىنۋ عالامشاردىڭ بارلىق ايماقتارىندا ەكسترەمالدىق اۋا رايىنىڭ كٶپتەگەن جاعدايلارىنىڭ ورىن الۋىنا ەكەلگەن. بۇدان بٶلەك, عالىمداردىڭ مەلٸمەتتەرٸنشە, جەر عالامشارىنىڭ بارلىق كليماتتىق جٷيەسٸ ٶزگەرٸپ, بۇل ٶزگەرٸستەر اتموسفەرا, تەڭٸزدەر, جەردٸڭ مۇز قابىقتارى مەن توپىراق بەتٸنە ەسەر ەتٸپ وتىر. بۇل ٶزگەرٸستەردٸڭ كٶبٸ ورنى تولماس قايعىلى جاعدايلارعا سەبەپ بولۋدا.
الايدا بايانداما اۆتورلارى, ياعني 66 ەلدٸڭ 234 ساراپشىسى ادامزات كليماتتىڭ ٶزگەرۋٸنە ەلٸ دە بولسا ٶزٸنٸڭ وڭ ەسەرٸن تيگٸزەتٸنٸنە سەنٸمدٸ. ول ٷشٸن اتموسفەراعا زيياندى زاتتار, سونىڭ ٸشٸندە پارنيكتٸك گازدىڭ شىعارىلۋىن ازايتىپ, سول ارقىلى اۋانىڭ ساپاسىن قىسقا مەرزٸم ٸشٸندە ايتارلىقتاي جاقسارتىپ, جاھاندىق تەمپەراتۋرانى تۇراقتاندىرۋعا بولادى.
ادامزات ٷشٸن دابىل بەلگٸسٸ
بۇۇ باس حاتشىسى انتونيۋ گۋتەرريشتٸڭ پٸكٸرٸنشە, جۇمىس توبىنىڭ بايانداماسى – بٷكٸل ادامزات ٷشٸن دابىل قاعۋ بەلگٸسٸ. «بۇل - قاتتى دابىل, ال ۇسىنىلعان كۋەلٸكتەر داۋسىز», - دەپ تٷسٸندٸردٸ ول عالىمداردىڭ تۇجىرىمىن.
ول حالىقارالىق قاۋىمداستىقتىڭ جاھاندىق جىلىنۋدى 1,5 گرادۋستان اسپايتىن دەڭگەيدە ۇستاپ تۇرۋعا كەلٸسكەنٸن, الايدا الداعى ۋاقىتتا شۇعىل شارالار قابىلدانباسا, ول شامادان اسىپ كەتەتٸنٸن ەسكە سالدى.
«بۇعان قالاي بولعاندا دا جول بەرمەۋٸمٸز كەرەك», - دەپ ەسكەرتتٸ گۋتەرريش.
ول قاراشادا گلازگودا ٶتەتٸن كليمات جٶنٸندەگٸ كونفەرەنتسييا قارساڭىندا ەسٸرەسە جيىرمالىق توپقا كٸرەتٸن بارلىق ەلدەر كليماتتىڭ ٶزگەرۋٸنە قارسى كٷرەسكە بەيٸلدٸلٸگٸن راستاپ, «نٶلدٸك شىعارىندى» كواليتسيياسىنا قوسىلۋى تيٸس ەكەنٸن اتاپ ٶتتٸ.
