قازاقستاندا رەسمي تٸركەلگەن 607 جاعاجاي بار. ونىڭ تەك 107-سٸ عانا كوممۋنالدىق مەنشٸكتە, دەپ حابارلايدى قازاقپارات تٸلشٸسٸ.
قر ٸٸم تٶتەنشە جاعدايلار كوميتەتٸنٸڭ تٶراعاسى ۆلاديمير بەككەردٸڭ ايتۋىنشا, ەلٸمٸزدە 50 مىڭنان استام سۋعا شومىلىپ, بالىق اۋلايتىن اۋماق بار. سولاردىڭ نەگٸزٸندە 607 رەسمي جاعاجاي جاساقتالعان.
«607 رەسمي جاعاجايدىڭ تەك 107-سٸ عانا كوممۋنالدىق مەنشٸكتە. قالعانى - جەكە مەنشٸكتٸڭ يەلٸگٸندە. ال تٶتەنشە جاعداي قىزمەتٸنٸڭ قۇتقارۋشىلارى 607 جاعاجايدىڭ تەك 27-سٸن عانا باقىلايدى. 113 ستيحييالى جاعاجايدا 53 قۇتقارۋ پوستتارى ورناتىلدى. ونىڭ ەرقايسىسىندا 2-3 قۇتقارۋشى, بٸر قايىق بار. جىل باسىنان بەرٸ 880 قۇتقارۋ جاساقشىلارىن تەگٸن دايىندادىق. سولاردان جەكە مەنشٸكتەگٸ جاعاجايلار اۋماعىندا 335 قۇتقارۋ جاساعى قۇرىلدى», - دەيدٸ كوميتەت تٶراعاسى.
وسىعان قاراماستان سۋعا كەتكەندەر سانى بىلتىرعىدان اسىپ تٷسكەن. ۆلاديمير بەككەر شومىلۋ ماۋسىمى باستالعالى بەرٸ 154 ادامنىڭ اجالى سۋدان بولعانىن ايتادى.
«شومىلۋ ماۋسىمى باستالعان كٷننەن بەرٸ 154 ادام سۋعا كەتتٸ. ونىڭ 58-ٸ بالا. 2018 جىلى بۇل كەزەڭدە 148 ادام سۋعا كەتكەن بولاتىن. بيىل سۋعا كەتكەن 14 بالا اتا-ااناسىنىڭ قاراۋىنسىز قالعان. سونىڭ سالدارىنان ولاردىڭ اجالى ارىق پەن ەلەۋسٸز كٶلشٸكتەن كەلگەن. مەنٸ بەرٸنەن بۇرىن وسى الاڭداتادى», - دەدٸ ول.
ايتا كەتسەك, ۆلاديمير بەككەر ارنايى بريفينگتە ٶتكەن سەنبٸ مەن جەكسەنبٸدە 22 ادامنىڭ سۋعان كەتكەنٸن ايتقان بولاتىن. سونداي-اق, ەلٸمٸزدٸڭ تٶرت وبلىسىندا ورمان ٶرتٸنٸڭ جوعارى كلاسى تۋىنداپ تۇر.
