زەينەتكەر اۋرۋحاناعا تٷسٸپ, 13 ميلليون تەڭگەسٸنەن ايىرىلدى

ەكيباستۇز قالاسىنىڭ تۇرعىنى بەلگٸسٸز بٸرەۋ ونىڭ ەسەپشوتىنان 13 ميلليون تەڭگە ۇرلاعانىنى تۋرالى شاعىمدانعان, دەپ حابارلايدى Ult.kz.

فوتو: ult.kz كوللاجى.

پاۆلودار وبلىسى پوليتسييا دەپارتامەنتٸنٸڭ باسپاسٶز قىزمەتٸ مەلٸمدەگەندەي, 28 قاراشا مەن 2 جەلتوقسان ارالىعىندا زەينەتكەر اۋرۋحانانىڭ ينسۋلت بٶلٸمشەسٸندە ەم قابىلداعان. ونىڭ پالاتاسىندا بٸرنەشە ناۋقاس بولعان جەنە ولاردىڭ بارلىعى تەرگەۋشٸ تاراپىنان تەرگەلگەن.

«پوليتسەيلەر ەلگٸ پالاتادا زەينەتكەردٸڭ بانكتٸك موبيلدٸ قوسىمشاسىنا زاڭسىز كٸرٸپ, شوتىنان اقشا ۇرلاعان جاس ەيەلدٸ انىقتادى. كٷدٸكتٸ كٸنەسٸن مويىنداپ وتىر», - دەپ حابارلادى پاۆلودار وبلىسى پوليتسييا دەپارتامەنتٸنٸڭ باسپاسٶز قىزمەتٸ.

قۇقىق قورعاۋ ورگاندارى ۇرلىق فاكتٸسٸ بويىنشا قىلمىستىق ٸس قوزعادى. كٷدٸكتٸگە قاتىستى بۇلتارتپاۋ شاراسى قولدانىلىپ وتىر.