"الماتى" تەلەارناسىنىڭ مەلٸمەتٸنشە, ينەسسا زوتوۆا 13 جىلدان بەرٸ قارتتار ٷيٸندە تۇرادى. كەزٸندە لاۋازىمدى قىزمەت اتقارىپ, زەينەتكە شىققان. قازٸر ورتالىقتىڭ جۇمىسىنا دا بەلسەنە ارلاسىپ, قارتتاردىڭ قۇقىعىن قورعاعىم كەلەدٸ دەيدٸ. ول ورتالىق زەينەتاقىنىڭ 70 پايىزىن مەملەكەتتٸك مەكەمە الىپ قالاتىنىن ايتادى.
"دەرٸ-دەرمەككە تاپسىرىستى قاڭتاردا بەرگەنبٸز, ناۋرىزدا كەلدٸ. قارت كٸسٸ بولعان سوڭ اياق قاقسايدى, تٷرلٸ جاقپا مايلار كەرەك. ونى ٶزٸمٸز ساتىپ الۋعا مەجبٷرمٸز", - دەدٸ "شاڭىراق" ەلەۋمەتتٸك ورتالىعىنىڭ تۇرعىنى ينەسسا زوتوۆا.
زەينەتكەرلەر دەرٸ-دەرمەكتٸ كٷتٸپ قالاتىن كەزدەر بولادى دەيدٸ. جالپى, 262 تۇرعىنى بار ەلەۋمەتتٸك ورتالىقتا 79 مٷمكٸندٸگٸ شەكتەۋلٸ قارت كٸسٸ بار. مۇنداعى مەديتسينالىق قىزمەتكەرلەردٸڭ سٶزٸنشە, ولار دەرٸگە مۇقتاج ەمەس, بٸراق اسا كٷتٸمدٸ قاجەت ەتەدٸ.
تەلەارنا مەلٸمەتٸنشە, بۇل ەلەۋمەتتٸك ورتالىقتا 2002 جىلدان بەرٸ تۇرىپ كەلە جاتقان اداسگٷل اققۇلوۆا مەسەلەنٸڭ تٷيٸنٸن تەندەردٸ جويۋ ارقىلى شەشۋگە بولاتىنىن ايتادى.
"تەندەردٸ كٸم ويلاپ تاپتى? ونى جويۋ كەرەك. ەرينە, ول ٷشٸن تيٸستٸ مەكەمەگە حات جولداۋ كەرەك", - دەدٸ زەينەتكەر اداسگٷل اققۇلوۆا.
ال ورتالىقتىڭ جاڭا تاعايىندالعان ديرەكتورى قوردالانعان مەسەلەلەردٸ شەشٸپ جاتقانىن ايتتى.
"مەنٸڭ كەلگەنٸمە تٶرت اي بولدى. اتا-ەجەلەر بۇرىنعى مەسەلەلەردٸ قايتا كٶتەرٸپ, شاعىم ايتىپ جاتىر. قازٸر مەسەلە جوق", - دەدٸ "شاڭىراق" ەلەۋمەتتٸك قىزمەت ورتالىعىنىڭ ديرەكتورى تۇراربەك تۇمانشيەۆ.
"مەديتسينالىق ەلەۋمەتتٸك قىزمەتتٸك مەكەمەدە 1-3 اي ۋاقىت بولماسا, ونىڭ اقشاسىن ۇستاۋ زاڭدا قاراستىرىلماعان. بٸز مينيسترلٸككە حات جولدادىق", – دەدٸ قالالىق ەلەۋمەتتٸك قىزمەت كٶرسەتۋ ورتالىعىنىڭ باس مامانى ايازبي كابلان.
