بٷگٸندە قازاقستاندىقتار زەينەتاقى جيناعى قورىنداعى تٶلەمنٸڭ بەلگٸلٸ بٸر بٶلٸگٸن باسپانا الۋعا جەنە ەمدەلۋگە جۇمساي الادى. وسى ورايدا كٶپشٸلٸكتٸ زەينەتاقى قورى جيناعىنداعى تٶلەمگە الىنعان ٷيدٸ ساتۋعا نەمەسە سىيعا تارتۋعا بولا ما دەگەن سۇراق تولعاندىرادى.
بۇل سۇراققا «وتباسى بانك» اق-نىڭ باسپاسٶز حاتشىسى جانار جولتاەۆا جاۋاپ بەردٸ, دەپ حابارلايدى قازاقپارات.
«زەينەتاقى جيناعىنا تۇرعىن ٷي ساتىپ العان ازاماتتار اتالعان مٷلٸكتٸ 5 جىلعا دەيٸن ساتا المايدى دەگەن تالاپ بار. بۇل تالاپ زەينەتاقى جيناعىنداعى سومانى قولما-قول اقشاعا اينالدىرۋ, الىپ-ساتۋمەن اينالىسۋدىڭ جەنە باسپانا باعاسىنىڭ نەگٸزسٸز ٶسۋٸنٸڭ الدىن الۋ ٷشٸن ەنگٸزٸلدٸ. ياعني بيىل 23 قاڭتاردان كەيٸن ٶتەۋ مەرزٸمٸ 5 جىلدان اساتىن يپوتەكالىق زايم رەسٸمدەلٸپ, العاشقى جارنا رەتٸندە بٸرجولعى زەينەتاقى تٶلەمٸ پايدالانىلسا, وندا ول تۇرعىن ٷيدٸ ساتۋعا رۇقسات جوق. الايدا يپوتەكالىق زايمدى ٶتەۋ مەرزٸمٸ تۋرا 5 جىل نەمەسە ودان از بولسا وندا يەسٸ ٷيدٸ ساتا الادى. سونداي-اق, تۇرعىن ٷيدٸڭ العاشقى جارناسى ٶتٸنٸش بەرۋشٸنٸڭ جەكە قاراجاتىمەن ٶتەلٸپ, قالعانى يپوتەكا ارقىلى ٸشٸنارا زەينەتاقى جيناعى قولدانىلسا ول جاعدايدا باسپانا يەسٸنٸڭ ساتۋ قۇقىعى بار. ساتۋدان بٶلەك, ٷيدٸ ٶز جاقىندارىنا سىيعا دا بەرە الادى», - دەدٸ جانار جولتاەۆا.
ونىڭ ايتۋىنشا, زەينەتاقى جيناعىنىڭ بٸر بٶلٸگٸن جۇمساۋدا ادامنىڭ جاس ەرەكشەلٸگٸ ماڭىزدى ەمەس. باستىسى ازاماتتىڭ كەمەلەت جاسىندا بولۋى.
«كارانتينگە بايلانىستى بانكتە ادامداردىڭ شوعىرلانۋىنا جول بەرمەۋ ٷشٸن, بارلىق جۇمىس ونلاين جٷرٸپ جاتىر. سول ٷشٸن دە زەينەتاقى جيناعىن تٶلەمدٸ الۋعا ارنالعان ارنايى پلاتفورما ٸسكە قوسىلدى. ياعني ٶتٸنٸش بەرۋدەن باستاپ, بارلىق رەسٸمدەۋ, جەكە مەلٸمەتتەردٸ ەنگٸزۋ سەكٸلدٸ پروتسەستەر تولىقتاي سايت ارقىلى ٷيدە وتىرىپ تا جٷزەگە اسىرۋعا بولادى», - دەيدٸ ول.
