بجزق-عا سالىمشىلارىنىڭ العاشقى 50 مىڭىنىڭ ارنايى شوتىنا تاياۋ كٷندەرٸ اقشا اۋدارىلادى. بۇل تۋرالى «وتباسى بانك» اق تٶراعاسى لەززات يبراگيموۆا وكق-دا ٶتكەن باسپاسٶز مەسليحاتىندا مەلٸم ەتتٸ, دەپ حابارلايدى قازاقپارات.
«بجزق پورتالى مەن بٸزدٸڭ بانكتٸڭ پورتالىنا بٷگٸنگە دەيٸن 80 مىڭنان استام ٶتٸنٸش تٷستٸ. ونىڭ ٸشٸندە 50 519 ٶتٸنٸش يەسٸ تۋرالى ايتار بولساق, قازٸر ولار جەكە كابينەتٸنە كٸرسە, وندا بجزق ٶتٸنٸشٸن قاراۋعا قابىلداعانى تۋرالى جاڭالىقتى كٶرە الادى. قاراۋ مەرزٸمٸ 3-تەن 5 كٷنگە دەيٸن سوزىلادى. 50 مىڭ سالىمشى ٸس جٷزٸندە بٸرٸنشٸ كەزەڭنەن ٶتتٸ. ولاردىڭ ٶتٸنٸشٸ ارنايى شوتقا اقشا اۋدارۋ ساتىسىندا تۇر. ونىڭ 8 مىڭى - كەشە ساعات 16:00-گە دەيٸن ٶزدەرٸنٸڭ ارنايى شوتتارىنداعى اقشانى كٶردٸ. بۇل موبيلدٸ قوسىمشادا كٶرٸنٸپ تۇر», - دەپ تٷسٸندٸردٸ لەززات يبراگيموۆا.
ول سونىمەن قاتار بجزق-نىڭ ٶتٸنٸمدٸ قابىلداعانى تۋرالى ستاتۋستى كٶرگەن ازاماتتار ٶزٸنٸڭ ارنايى شوتىنداعى سومانى كٶرە الاتىنىن, ول ٷشٸن تۇرعىن ٷي جيناق بانكٸ موبيلدٸ قوسىمشاسىنا كٸرۋٸ كەرەكتٸگٸن ەسكەرتتٸ.
ەسكە سالساق, 2021 جىلى 2 قاڭتاردا قر پرەزيدەنتٸ قاسىم-جومارت توقاەۆ زەينەتاقى جيناعىنىڭ بٸر بٶلٸگٸن ماقساتتى پايدالانۋعا قاتىستى زاڭعا قول قويدى.
قازاقستاندىقتاردىڭ زەينەتاقى جيناقتارىن پايدالانۋ ٷشٸن جاڭارتىلعان «جەتكٸلٸكتٸلٸك شەگٸ» جارييالاندى. زەينەتاقى جيناعىنان الۋعا بولاتىن سوما بجزق سايتىندا اۆتوماتتى تٷردە كٶرسەتٸلەدٸ.
23 قاڭتاردان قازاقستاندا زەينەتاقىنىڭ بٸر بٶلٸگٸن الۋعا ٶتٸنٸم قابىلداۋ باستالدى.
