قر ۇلتتىق بانك تٶراعاسىنىڭ ورىنباسارى ولەگ سمولياكوۆ بٸرىڭعاي جيناقتاۋشى زەينەتاقى قورىنىڭ اقشاسىن باسپاناعا نەمەسە كرەديتتٸ جابۋ ٷشٸن پايدالانۋعا قاتىستى پٸكٸر بٸلدٸردٸ, دەپ حابارلايدى Sputnik قازاقستان تٸلشٸسٸ.
"مەن ٶزٸم زەينەتاقى جيناقتارىن كرەديتتٸ جابۋ ٷشٸن پايدالانۋعا قارسىمىن. بۇل – مەنٸڭ جەكە پٸكٸرٸم. يە, نەشە تٷرلٸ جاعدايلار بولادى. قارجىلاي قيىندىقتار بولعاندا نەسيە الۋعا تۋرا كەلەدٸ. كەپٸلدٸك تە بار. ال كرەديتتٸ اقشامەن, يا بولماسا, كەپٸلدٸكپەن ٶتەۋ كەرەك. بٸراق بجزق-داعى جيناقتار زەينەتكە شىققاننان كەيٸن كەرەك قوي. مەسەلەن, ول اقشانى پايدالانۋعا رۇقسات بەرٸلسە, نەسيە العان ادام زەينەتاقى جيناقتارىن جۇمساپ, كەپٸلدٸكتەن دە ايرىلۋى مٷمكٸن. مەنٸڭشە, ونداي جاعدايدا زەينەتاقى جيناقتارىن كرەديتتٸ جابۋ ٷشٸن پايدالانعان قيسىنسىز سيياقتى", - دەدٸ سمولياكوۆ جۋرناليستەرگە بەرگەن سۇحباتىندا.
ونىڭ ايتۋىنشا, بارلىق قازاقستاندىقتاردىڭ زەينەتاقى جيناقتارى بٸردەي ەمەس. ال ونى باسقا ماقساتتارعا پايدالانۋعا رۇقسات بەرٸلسە, بٸرەۋلەر زەينەتاقىسىز قالۋى ەبدەن مٷمكٸن.
"نەگٸزٸ, وسى مەسەلەلەردٸڭ بەرٸ پىسىقتالۋدا. جالپى, زەينەتاقى جٷيەسٸنە قاتىستى جۇمىستار اتقارىلىپ جاتىر. يە, ونىڭ بەرٸن قاراستىرىپ جاتقانىمىزعا بٸراز ۋاقىت بولدى. دەگەنمەن, كٷزگە تامان الدىن الا قورىتىندى بولادى دەگەن ويدامىن", - دەيدٸ ۇلتتىق بانك تٶراعاسىنىڭ ورىنباسارى.
