قر يندۋسترييا جەنە ينفراقۇرىلىمدىق دامۋ مينيسترلٸگٸ زەينەتاقى قورىنداعى قارجىنىڭ شەكتٸ سومادان اساتىن بٶلٸگٸنە نە ٸستەۋگە بولاتىنىن حابارلادى, دەپ جازادى قازاقپارات.
«زەينەتاقى جيناقتارىنىڭ جەتكٸلٸكتٸلٸك شەگٸنەن اساتىن بٶلٸگٸن پايدالانۋ ەرەجەلەرٸندە قانداي جاڭالىقتار ەنگٸزٸلگەنٸ تۋرالى تاقىرىپتى جالعاستىرامىز. جاڭا نورمالار ەنگٸزٸلگەنگە دەيٸن ٶتٸنٸش بەرۋشٸدە جەكە تۇرعىن ٷي سالۋ ٷشٸن جەر ۋچاسكەسٸن ساتىپ الۋعا زەينەتاقى تٶلەمدەرٸن پايدالانۋ مٷمكٸندٸگٸ بولدى. جاڭا نورمالاردا جەر ۋچاسكەسٸن ساتىپ الۋ دا, ٶز ۋچاسكەسٸندە جەكە تۇرعىن ٷي سالۋ دا قاراستىرىلعان», - دەلٸنگەن مينيسترلٸكتٸڭ حابارلاماسىندا.
بٸرٸنشٸ جاعدايدا ٶتٸنٸش بەرۋشٸ جەر ۋچاسكەسٸن ساتىپ الىپ, اكت رەسٸمدەپ, كەيٸننەن تۇرعىن ٷي سالا الادى.
ەكٸنشٸ جاعدايدا جەكە تۇرعىن ٷي قۇرىلىسىن «وتباسى بانكتەن» زاەم الۋ ارقىلى جٷزەگە اسىرۋعا بولادى. سونداي-اق جيناقتاردى قارىزدى رەسٸمدەمەي دە پايدالانۋعا بولادى. بۇل جاعدايدا قۇرىلىس كومپانيياسىن تارتۋ - مٸندەتتٸ شارت.
