جەتٸسۋ وبلىسىندا جٷك پويىزىنىڭ ماشينيسٸ تەمٸرجول ماڭىندا جالعىز جٷرگەن تٶرت جاسار بالانى بايقاپ, پويىزدى توقتاتىپ, ونى لوكوموتيۆ كابيناسىنا مٸنگٸزٸپ العان, دەپ حابارلايدى ult.kz.
وقيعا 20 قىركٷيەكتە ساعات 12:30 شاماسىندا سارىٶزەك – ٷشتٶبە ۋچاسكەسٸنٸڭ تاۋاراسى – اينابۇلاق ارالىعىندا بولعان. بۇل تۋرالى «قازاقستان تەمٸر جولى» ۇك» اق باسپاسٶز قىزمەتٸ حابارلادى.
پويىز شامامەن 38 كم/ساع جىلدامدىقپەن قوزعالىپ كەلە جاتقان. ماشينيست بالانى بايقاپ, قىزمەتتٸك تەجەۋ ارقىلى پويىزدى توقتاتقان. كەيٸن ونى لوكوموتيۆ كابيناسىنا مٸنگٸزٸپ, بولعان جاعداي تۋرالى پويىز ديسپەتچەرٸنە حابارلاعان.
ماشينيست بالانىڭ اماندىعىنا كٶز جەتكٸزگەننەن كەيٸن ونى اينابۇلاق ستانتسيياسىنىڭ كەزەكشٸسٸنە تاپسىرعان. ستانتسييا قىزمەتكەرٸ بالانىڭ اتا-اناسىمەن بايلانىسقان.
