جەتٸسۋ وبلىسىنىڭ قاراتال اۋدانىندا كٶلٸك جٷرگٸزۋ قۇقىعىنان ايىرىلعان 25 جاستاعى ەر ادام ماس كٷيٸندە رٶلگە وتىرعان, دەپ حابارلايدى ult.kz.
Polisia.kz مەلٸمەتٸنشە, ٷشتٶبە قالاسىندا پاترۋلدٸك پوليتسييا قىزمەتكەرلەرٸ Nissan Patrol كٶلٸگٸن توقتاتقان. تەكسەرۋ كەزٸندە جٷرگٸزۋشٸدەن ماساڭدىق بەلگٸلەرٸ بايقالىپ, مەديتسينالىق كۋەلاندىرۋ ونىڭ الكوگول ٸشكەنٸن راستادى.
پوليتسييا ونىڭ بۇعان دەيٸن سوت شەشٸمٸمەن جەتٸ جىلعا كٶلٸك باسقارۋ قۇقىعىنان ايىرىلعانىن انىقتادى. سوعان قاراماستان, جٷرگٸزۋشٸ الكوگول ٸشكەننەن كەيٸن قايتادان كٶلٸك تٸزگٸندەگەن.
اتالعان دەرەك بويىنشا سوتقا دەيٸنگٸ تەرگەپ-تەكسەرۋ باستالدى. كٷدٸكتٸ ۋاقىتشا ۇستاۋ يزولياتورىنا قامالدى.
پوليتسييا جٷرگٸزۋشٸلەردٸ جول قوزعالىسى ەرەجەلەرٸن قاتاڭ ساقتاپ, كٶلٸك باسقارۋعا جاۋاپكەرشٸلٸكپەن قاراۋعا شاقىردى.
