قازاقستاننىڭ ٸشكٸ ٸستەر مينيسترلٸگٸ جاسٶسپٸرٸمدەرگە ەلەۋمەتتٸك جەلٸلەردٸ قاۋٸپسٸز پايدالانۋ جٶنٸندە ماڭىزدى ەسكەرتۋ جاسادى. ۆەدومستۆو ينتەرنەتتەگٸ قاۋٸپسٸزدٸك قاراپايىم ەرەجەلەردٸ ساقتاۋدان باستالاتىنىن اتاپ ٶتتٸ, دەپ حابارلايدى ult.kz.
ٸٸم مەلٸمەتٸنشە, ەلەۋمەتتٸك جەلٸلەر قارىم-قاتىناس جاساۋعا, بٸلٸم الۋعا جەنە ٶمٸردەگٸ ماڭىزدى سەتتەرمەن بٶلٸسۋگە مٷمكٸندٸك بەرەدٸ. الايدا جەكە ٶمٸرگە قاتىستى مەلٸمەتتەردٸ اشىق جارييالاۋ تٷرلٸ قاۋٸپكە ەكەلۋٸ مٷمكٸن.
وسىعان بايلانىستى مينيسترلٸك جاسٶسپٸرٸمدەرگە مىناداي كەڭەستەر بەردٸ:
ٷي مەكەنجايىن, تەلەفون نٶمٸرٸن, وقيتىن مەكتەبٸن, ساباق كەستەسٸن جەنە بەيتانىس ادامدارعا ورنالاسقان جەرٸڭٸزدٸ انىقتاۋعا كٶمەكتەسەتٸن باسقا دا جەكە مەلٸمەتتەردٸ جارييالاماڭىز.
گەولوكاتسيياسى قوسىلعان فوتو مەن ستوريستٸ ناقتى ۋاقىت رەجيمٸندە سالماڭىز. مۇنداي جازبالاردى ول جەردەن كەتكەننەن كەيٸن عانا بٶلٸسكەن دۇرىس.
دوستار قاتارىنا تەك ٶزٸڭٸز جەكە تانيتىن ادامداردى عانا قوسىڭىز.
اككاۋنتىڭىزدىڭ قۇپييالىق باپتاۋلارىن رەتتەپ, جارييالانىمدارىڭىزدى تەك سەنٸمدٸ ادامدار كٶرە الاتىنداي ەتٸڭٸز.
ەگەر بەيتانىس ادام جەكە سۇراقتار قويىپ, كٷمەندٸ ەرەكەت تانىتسا نەمەسە قورقىتۋعا تىرىسسا, ونىمەن بايلانىستى دەرەۋ توقتاتىپ, اككاۋنتىن بۇعاتتاڭىز.
ٸٸم ٶكٸلدەرٸ ەڭ باستىسى – قاۋٸپسٸزدٸك ەكەنٸن ەسكە سالدى.
«ەستەرٸڭٸزدە بولسىن: سٸزدٸڭ قاۋٸپسٸزدٸگٸڭٸز جازىلۋشىلار مەن لايكتار سانىنان ەلدەقايدا ماڭىزدى. تسيفرلىق ورتاداعى جاۋاپتى مٸنەز-قۇلىق جەكە دەرەكتەرٸڭٸزدٸ قورعاپ, تٷرلٸ قاۋٸپتٸڭ الدىن الۋعا كٶمەكتەسەدٸ», – دەپ مەلٸمدەدٸ ۆەدومستۆو.
