پرەزيدەنت ۆلاديمير زەلەنسكيي ۋكراينانى ەۋروپا وداعىنا (ەو) مٷشە قىلىپ ەنگٸزۋ تۋرالى ٶتٸنٸشكە قول قويدى. بۇل تۋرالى مەملەكەت باسشىسىنىڭ ٶزٸ "تەلەگرام-كانالىنا" جازىپ, قول قويۋ كەزٸ مەن قۇجاتتىڭ سۋرەتٸن جارييالادى.
ارىز ەۋروپا كوميسسييانىڭ پرەزيدەنتٸ ۋرسۋلا فون دەر ليايەننٸڭ اتىنا جازىلدى. قۇجاتتىڭ قاشان قارالاتىنى بەلگٸسٸز. وسىعان دەيٸن ٶلكەنٸڭ پرەمەر-مينيسترٸ دەنيس شمىگال ۋكراينا ۇيىمعا ارنايى تەرتٸپپەن كٸرەتٸنٸن ايتقان.
سونداي-اق, زەلەنسكيي ۆيدەو ٷندەۋ جاساپ, ۋكراينانى شۇعىل ەۋروپا وداعىنا قوسۋدى سۇراعان. ول ۋكراين ارميياسى ٶز جەرٸ ٷشٸن عانا ەمەس, جالپى ەۋروپا ٷشٸن سوعىسىپ جاتقانىن ايتىپ, "ۇيىمعا كٸرۋگە لايىقتى" ەكەنٸن جەتكٸزگەن.
ايتا كەتەيٸك, رەسەي پرەزيدەنتٸ ۆلاديمير پۋتيننٸڭ "دونباستاعى حالىقتى قورعاۋ" تۋرالى مەلٸمدەمەسٸنەن كەيٸن ورىس ەسكەرٸ 24 اقپاندا ۋكرايناعا باسىپ كٸردٸ. بەس كٷننەن بەرٸ ەلدٸڭ بارلىق ايماعىندا سوعىس جٷرٸپ جاتىر.
ۋكراينانىڭ اقپارات قۇرالدارى رەسەيدٸڭ شابۋىلىنان 352 بەيبٸت تۇرعىن قازا بولعانىن, ولاردىڭ ٸشٸندە بالالار بار ەكەنٸن جازىپ جاتىر. وقيعانىڭ العاشقى كٷنٸ كيەۆ 137 سارباز قۇربان بولعانىن مەلٸمدەدٸ. ودان كەيٸن جاعداي بەلگٸسٸز.
ۋكراينا قورعانىس مينيسترلٸگٸ رەسەي 5300 ساربازىن جوعالتتى دەپ مەلٸمدەگەن. بۇل ساناتتىڭ ٸشٸندە قازا تاپقاندار, تۇتقىنعا تٷسكەندەر جەنە جارالانعاندار كٸرەدٸ.
رەسەي بولسا ناقتى قانشا ەسكەرٸن جوعالتقانى جٶنٸندە رەسمي مەلٸمەت بەرمەي وتىر.
