ۆيتاليي شيشوۆتى ەسكە الۋ شاراسى. كيەۆ, ۋكراينا, 3 تامىز, 2021 جىل.
ۋكراينا قۇقىق قورعاۋ ورگاندارى ەل اۋماعىندا تۇرىپ جاتقان, قاۋٸپ تٶنۋٸ مٷمكٸن دەگەن بەلارۋس ازاماتتارىن قورعاۋى تيٸس. ۋكراينا پرەزيدەنتٸ ۆلاديمير زەلەنسكيي 4 تامىزدا وسىنداي پەرمەن بەردٸ. پرەزيدەنت باسپاسٶز قىزمەتٸنٸڭ حابارلاۋىنشا, قۇقىق قورعاۋ ورگاندارى كەي بەلورۋس بەلسەندٸلەرٸنە قاۋٸپ تٶنۋٸ مٷمكٸن دەگەن حابار العان سوڭ ەرٸ ۋكراينادا تۇرىپ جاتقان بەلورۋس بەلسەندٸسٸ ۆيتاليي شيشوۆ قازا تاپقان سوڭ مەملەكەت باسشىسى وسىنداي شەشٸمگە كەلگەن.
سەيسەنبٸ كٷنٸ كيەۆتەگٸ ساياباقتا اسىلىپ تۇرعان شيشوۆتىڭ دەنەسٸ تابىلعان. ونىڭ دەنەسٸنەن قۇلاعان كەزدە الاتىن جاراقاتتار بايقالعان. "كٸسٸ ٶلتٸرۋ" بابى بويىنشا قىلمىستىق ٸس قوزعالدى. ٶزٸن-ٶزٸ ٶلتٸرۋ جەنە كٸسٸ ٶلتٸرۋدٸ جابۋ ماقساتىندا سۋيتسيد كٶرٸنٸستەرٸن جاساۋ ۆەرسييالارى قاراستىرىلىپ جاتىر. "ۋكرايناداعى بەلورۋس ٷيٸ" ۇيىمىن باسقارعان شيشوۆ جاقتاستارىنىڭ ايتۋىنشا, ونى ەدەيٸ ٶلتٸرگەن ەرٸ بۇل بەلورۋس ارنايى قىزمەتٸنٸڭ ٸسٸ بولۋى ىقتيمال. شيشوۆ الەكساندر لۋكاشەنكو رەجيمٸنە اشىق قارسى شىققان. "ۋكرايناداعى بەلورۋس ٷيٸنٸڭ" مەلٸمدەمەسٸندە شيشوۆتىڭ قازاسى – "رەجيمگە شىنىمەن قاۋٸپتٸ بەلورۋستىڭ كٶزٸن جويۋ ماقساتىندا چەكيستەر ۇيىمداستىرعان وپەراتسييا" دەپ سيپاتتالادى.
زەلەنسكيي ۋكراينا قاۋٸپسٸزدٸك قىزمەتٸ مەن ٸشكٸ ٸستەر مينيسترلٸگٸنە "ۋكرايناعا سوڭعى بٸر جىلدا كەلگەن جەنە ساياسي ھەم قوعامدىق ەرەكەتٸنە بايلانىستى قىلمىستىق قول سۇعۋ قاۋپٸ تٶنۋٸ مٷمكٸن دەگەن بەلارۋس رەسپۋبليكاسى ازاماتتارىن تولىق قورعاۋدى" تاپسىردى. قورعاۋعا الىناتىن بەلورۋس ازاماتتارىنىڭ تٸزٸمٸ دە جاسالدى.
بۇعان قوسا, زەلەنسكيي ۆيتاليي شيشوۆ ٶلٸمٸنٸڭ جاي-جاپسارىن تولىق زەرتتەۋدٸ تاپسىردى.
- "ۋكرايناداعى بەلورۋس ٷيٸ" — كوممەرتسييالىق ەمەس ۇيىم. ول جۇمىس تاۋىپ, پەتەر جالداپ, زاڭدى تٷردە تۇرۋ ماقساتىندا ۋكرايناعا قاشقان بەلارۋس ازاماتتارىنا كٶمەك كٶرسەتۋمەن اينالىسادى. بەلارۋستەگٸ رەچيتسا قالاسىندا تۇرعان ۆيتاليي شيشوۆ بىلتىر تامىزدا ٶتكەن پرەزيدەنت سايلاۋىنان سوڭ ۋكرايناعا قونىس اۋدارعان.
- بۇل پرەزيدەنت سايلاۋىنىڭ رەسمي قورىتىندىسى ەل ٸشٸندە جاپپاي نارازىلىققا تٷرتكٸ بولدى. باتىس ەلدەرٸ لۋكاشەنكونى زاڭدى پرەزيدەنت دەپ تانىمايتىنىن مەلٸمدەپ, سايلاۋ نەتيجەسٸن بۇرمالاعانى جەنە نارازىلىق شارالارىن باسىپ-جانىشتاعانى ٷشٸن وعان جەنە ونىڭ اينالاسىنداعى ادامدارعا كٶپ سانكتسييا سالدى.
