ۋكراينا پرەزيدەنتٸ ۆلاديمير زەلەنسكيي رەسەيدٸ "ۋكراينادا گەنوتسيد جاسادى" دەپ ايىپتادى. باتىس ليدەرلەرٸ كيەۆ تٷبٸندەگٸ بۋچا قالاسىنان رەسەي سولداتتارى كەتكەننەن كەيٸن تابىلعان كٶشەدە شاشىلىپ جاتقان دەنەلەر تۋرالى جانتٷرشٸگەرلٸك مەلٸمەتتەردٸ الىپ, رەسەيدٸ كٸنەلاپ جاتىر, دەپ حابارلايدى ازاتتىق راديوسى.
زەلەنسكييدٸڭ CBS تەلەرناسىنىڭ ەفيرٸندەگٸ "بۇل شىن مەنٸندە گەنوتسيد, بٸر ۇلتتى, حالىقتى تۇتاستاي جويۋ" دەگەن سٶزٸن "امەريكا داۋىسى" دا تاراتتى.
زەلەنسكيي رەسەي قارۋلى كٷشتەرٸن قاتاڭ ايىپتاپ, كرەمل باسشىلارى ٶز ەسكەرٸنٸڭ بۋچاداعى جاۋىزدىعىن ٶزدەرٸ كەلٸپ كٶرسٸن دەگەن ەدٸ.
"رەسەي فەدەراتسيياسىنىڭ باسشىلىعى ٶز بۇيرىقتارى قالاي ورىندالىپ جاتقانىن كٶرسە ەكەن. بۇيرىعى قانداي بولسا, ورىندالۋى دا سولاي. وسى قىرعىن ٷشٸن, وسى ازاپتاعاندارى ٷشٸن, جارىلىستان قول-اياعى بٶلٸنٸپ, كٶشەدە شاشىلىپ قالعان ادامدار ٷشٸن ولاردىڭ جاۋاپكەرشٸلٸگٸ دە ورتاق",- دەدٸ زەلەنسكيي جەكسەنبٸ كٷنٸ ورىس تٸلٸندە جاساعان ۆيدەو ٷندەۋٸندە. ول رەسەي پرەزيدەنتٸ ۆلاديمير پۋتين مەن رەسەي ەسكەري قىزمەتكەرلەرٸ ۋكرايناداعى ەرەكەتتەرٸ ٷشٸن جاۋاپ بەرۋگە تيٸس دەپ مەلٸمدەدٸ.
اقش مەملەكەتتٸك حاتشىسى ەنتوني بلينكەن دە بۋچاداعى بەيبٸت ادامداردىڭ قىرعىنىنا كٸنەلٸلەر جاۋاپ بەرسٸن دەگەن مەلٸمدەمە جاسادى.
اقش-تىڭ ۋكرايناداعى ەلشٸلٸگٸ twitter-اككاۋنتىنا: "پۋتين ەسكەرٸنەن قالعان بۋچا مەن ٶزگە دە اۋداندارداعى كٶرٸنٸستەر سۇمدىق. اقش ٷكٸمەتٸ قولدا بار قۇرالدارىن تٷگەل پايدالانىپ, كٸنەلٸلەردٸ انىقتاۋعا تىرىسادى. بٸز ٷنسٸز قالا المايمىز, نە بولىپ جاتقانىن ەلەم بٸلۋگە تيٸس, بەرٸمٸز ەرەكەت ەتۋٸمٸز قاجەت" دەپ جازدى.
ناتو باس حاتشىسى يەنس ستولتەنبەرگ تە بۋچا قىرعىنىن كەيٸنگٸ ونجىلدىقتاردا ەۋروپادا بولماعان "جاۋىزدىق" دەپ اتادى.
