قازاقستاندا 7 قىركٷيەكتەن باستاپ ازاماتتار زەينەتاقى جيناعىن تولىق كٶلەمدە جەكە باسقارۋشى كومپانييالاردىڭ سەنٸمگەرلٸك باسقارۋىنا بەرە الادى. بۇعان دەيٸن جيناقتىڭ 50 پايىزىن عانا اۋدارۋعا رۇقسات ەتٸلگەن, دەپ حابارلايدى ult.kz.
بۇل جاعدايدا جەتكٸلٸكتٸلٸك شەگٸ ەسكەرٸلمەيدٸ. قازٸر زەينەتاقى اكتيۆتەرٸن باسقارۋعا بەس كومپانييا قۇقىلى: BCC Invest, سەنتراس سەكيۋريتيز, Alatau City Invest, Halyk Finance جەنە Tansar Capital.
ۇلتتىق بانك باسشىسى تيمۋر سٷلەيمەنوۆتٸڭ ايتۋىنشا, جەكە باسقارۋشى كومپانييالار شاعىن ەرٸ يكەمدٸ بولعاندىقتان, ينۆەستيتسييالىق مٷمكٸندٸكتەردٸ جىلدام پايدالانا الادى. الايدا جوعارى تابىسقا ۇمتىلعان ازامات تەۋەكەلدٸ دە ەسكەرۋٸ كەرەك.
سالىمشى باسقارۋشى كومپانييانى جىلىنا بٸر رەت اۋىستىرا الادى. جيناقتى ۇلتتىق بانكتٸڭ باسقارۋىنا قايتارۋ ٷشٸن كەمٸندە بٸر جىل كٷتۋ قاجەت.
ٶتٸنٸشتٸ بجزق سايتى, موبيلدٸ قوسىمشاسى نەمەسە ٶڭٸرلٸك بٶلٸمشەلەرٸ ارقىلى بەرۋگە بولادى. قاراجات 30 كٷن ٸشٸندە سەنٸمگەرلٸك باسقارۋعا اۋدارىلادى.
باسقارۋشى كومپانييا بانكروت بولعان جاعدايدا زەينەتاقى اكتيۆتەرٸ ۇلتتىق بانكتٸڭ باسقارۋىنا قايتارىلادى.
سالىمشىلار باسقارۋشى كومپانييالاردىڭ ينۆەستيتسييالىق ستراتەگيياسى مەن كٸرٸستٸلٸگٸن بجزق سايتىنان كٶرە الادى.
ماڭىزدىسى: بۇل ٶزگەرٸس زەينەتاقى اقشاسىن قولما-قول شەشٸپ الۋعا ەمەس, ونى تولىق كٶلەمدە ينۆەستيتسييالىق باسقارۋعا بەرۋگە مٷمكٸندٸك بەرەدٸ.
