الماتىدا اۋلاعا شلاگباۋم ورناتۋعا قاتىستى جاڭا تالاپتار كٷشٸنە ەندٸ. ەندٸ تۇرعىندار توسقاۋىلدى ٶز بەتٸنشە ورناتا المايدى. ول ٷشٸن بٸرقاتار تالاپتى ورىنداپ, اۋدان ەكٸمشٸلٸگٸنٸڭ كەلٸسٸمٸن الۋ قاجەت. بۇل تۋرالى كتك حابارلادى, دەپ حابارلايدى ult.kz.
جاڭا ەرەجەلەر 16 تامىزدان باستاپ قولدانىسقا ەنگٸزٸلدٸ. وعان سەيكەس, ورناتىلاتىن شلاگباۋم قاۋٸپسٸزدٸك تالاپتارىنا ساي بولۋى جەنە اپاتتىق ەرٸ كوممۋنالدىق قىزمەتتەردٸڭ اۋلاعا كەدەرگٸسٸز كٸرۋٸنە مٷمكٸندٸك بەرۋٸ تيٸس. قۇرىلعى تٶتەنشە جاعدايدا اۆتوماتتى تٷردە اشىلاتىن جٷيەمەن جابدىقتالۋى كەرەك.
الماتى قالالىق جول قوزعالىسى جەنە جولاۋشىلار كٶلٸگٸ دەپارتامەنتٸنٸڭ مەلٸمەتٸنشە, شلاگباۋم ورناتۋ تۋرالى شەشٸمدٸ كوندومينيۋمنىڭ ورتاق مەنشٸگٸندەگٸ اۋماقتا تۇراتىندار قابىلداي الادى. ول ٷشٸن مٷلٸك يەلەرٸنٸڭ ٷشتەن ەكٸسٸنەن استامىنىڭ كەلٸسٸمٸ قاجەت. بۇدان كەيٸن اۋدان ەكٸمشٸلٸگٸنەن رۇقسات الىنۋى تيٸس.
تۇرعىندار بۇل تالاپتاردىڭ اۋلالارداعى كٶلٸك قوزعالىسىن رەتتەۋگە مٷمكٸندٸك بەرەتٸنٸن ايتادى. مەسەلەن, سەرگەي كيمنٸڭ ايتۋىنشا, ونىڭ اۋلاسى كٶلٸك جٷرگٸزۋشٸلەرٸ كەپتەلٸستٸ اينالىپ ٶتۋ ٷشٸن پايدالاناتىن جولعا اينالعان. سونىڭ سالدارىنان بالالار وينايتىن اۋماقتا كٶلٸك كٶپ جٷرەدٸ.
قالادا بۇرىننان ورناتىلعان شلاگباۋمدار بٸردەن الىنىپ تاستالمايدى. الايدا ولاردىڭ يەلەرٸ بەلگٸلەنگەن تەرتٸپپەن قايتا رەسٸمدەۋدەن ٶتٸپ, قۇرىلعىلارىن جاڭا تالاپتارعا سەيكەستەندٸرۋٸ قاجەت.
تٶتەنشە جاعدايلار قىزمەتٸ جابىق اۋلالارعا كٸرە الماي قالاتىن جاعدايلار بار ەكەنٸن ايتىپ وتىر. سوندىقتان جاڭا تالاپتاردىڭ باستى ماقساتى – ٶرت سٶندٸرۋ جەنە جەدەل جەردەم كٶلٸكتەرٸنٸڭ تۇرعىن ٷيلەرگە كەدەرگٸسٸز جەتۋٸن قامتاماسىز ەتۋ.
الماتى قالالىق تٶتەنشە جاعدايلار دەپارتامەنتٸنٸڭ ٶكٸلٸ رۋسلان قاسەنوۆتٸڭ ايتۋىنشا, ماماندار شلاگباۋمداردىڭ تٶتەنشە جاعداي كەزٸندە اۆتوماتتى اشىلۋىن قامتاماسىز ەتەتٸن دىبىستىق دەتەكتورلاردى ورناتۋ بويىنشا جۇمىستار جٷرگٸزٸپ جاتىر.
جاڭا تالاپتاردى بۇزىپ, شلاگباۋمدى زاڭسىز ورناتقان تۇرعىندارعا جاۋاپكەرشٸلٸك قاراستىرىلعان. كٶگالداندىرۋ ەرەجەلەرٸن بۇزعانى ٷشٸن 86 مىڭ تەڭگەگە دەيٸن ايىپپۇل سالىنۋى مٷمكٸن.
