سوڭعى سەتتە حالىقارالىق تەننيس فەدەراتسيياسىنىڭ قوسىمشا كۆوتاسى ارقىلى وليمپيادا جولداماسىنا يە بولعان قازاقستاندىق تەننيسشٸ زارينا دياس بٷگٸندە توكيودا دايىندىق ٷستٸندە. وليمپيادادا جٷرگەن وتاندىق باق ٶكٸلدەرٸنە zoom ارقىلى سۇحبات بەرگەن تەننيسشٸ ٶزٸنٸڭ دايىندىعى مەن الداعى ماقساتىمەن بٶلٸستٸ, دەپ جازادى "جاس الاش" گازەتٸ.
‒ شۆەيتساريياداعى تۋرنيردەن كەيٸن بٸردەن امستەردام ارقىلى وليمپيادا استاناسى توكيوعا ەكٸ كٷن بۇرىن ۇشىپ كەلدٸم. ەۋەجايداعى جەتٸ ساعاتتان اسا ۋاقىت بويى تەكسەرٸس كەدٸمگٸدەي شارشاتادى ەكەن.
‒ وسىدان بٸرنەشە جىل بۇرىن توكيودا ٶتكەن ITF جارىسىندا جەڭٸمپاز اتانعان ەدٸڭٸز. جاپونييا سٸزگە جەڭٸس الىپ كەلەتٸن مەملەكەت دەپ ايتا الاسىز با?
‒ سولاي دەسەم دە بولادى. توكيونىڭ اتموسفەراسى ۇنايدى. سوندىقتان وليمپيادادا جاقسى نەتيجە كٶرسەتەمٸن دەپ ويلايمىن.
‒ وليمپيادا جولداماسىن العانىڭىز تۋرالى جاڭالىقتى قالاي قابىلدادىڭىز?
‒ العاشقىدا رەيتينگ بويىنشا وليمپياداعا بارا المايتىنىمدى بٸلگەنٸمدە كٶڭٸل-كٷيٸمنٸڭ تٷسكەنٸ راس. بٸراق ٸندەتكە بايلانىستى كٶپتەگەن تەننيسشٸ وليمپياداعا بارۋدان باس تارتىپ جاتقانىن ەستٸگەندە مٷمكٸندٸگٸم بار ەكەنٸن بٸلدٸم. ال جاعىمدى جاڭالىقتى ەستٸگەندە قاتتى قۋاندىم. شۆەيتساريياداعى جارىستا اياعىمنان كٸشٸگٸرٸم جاراقات الىىپ قالدىم. دەگەنمەن, جارىسقا دەيٸن جاراقاتىم جازىلادى دەپ ويلايمىن.
‒ وليمپيادا قالاشىعىنداعى سپورتشىلاردىڭ جاعدايى قالاي?
‒ كارانتينگە بايلانىستى كٶپ شەكتەۋ بولعانىنا قاراماستان, بٸز بۇعان ٷيرەنٸپ قالدىق. وليمپيادا قالاشىعىندا بەرٸ كەرەمەت. تاعامى جاقسى, جاتتىعۋ زالدارى ىڭعايلى. تەك اۋا-رايى ىستىق دەمەسەڭٸز.
‒ وليمپياداعا بەرٸ جٷلدە ٷشٸن كەلەتٸنٸ انىق. كٸمدٸ فاۆوريت, كٸمدٸ باستى قارسىلاس سانايسىز? جالپى, دايىندىعىڭىز قالاي?
‒ ەربٸر سپورتشىنىڭ جٷلدە الۋعا مٷمكٸندٸگٸ بار. سوندىقتان كٸمنٸڭ فاۆوريت ەكەنٸن ايتا المايمىن. مەنٸڭ دە دايىندىعىم جاقسى, جٷلدە الۋ ٷشٸن بارىمدى سالامىن. قازاقستان ەرلەر قۇراماسى قورجىنعا جٷلدە سالادى دەگەن سەنٸمٸم بار. ەسٸرەسە, جۇپتاسىپ سىنعا تٷسۋشٸلەر سەنساتسييا جاساپ, تاريحي جەتٸستٸككە جەتەدٸ دەپ ويلايمىن.
ايتا كەتەيٸك, جەكەلەي سىندا وليمپيادادا التى تەننيسشٸ جٷلدە ٷشٸن تالاسادى. ولار ‒ زارينا ديياس, يۋلييا پۋتينتسەۆا, ەلەنا رىباكينا, ياروسلاۆا شۆەدوۆا, ميحايل كۋكۋشكين جەنە الەكساندر بۋبليك. ال جۇپتىق سىندا اندرەي گولۋبەۆ پەن الەكساندر بۋبليك باق سىنايدى.
