ەسكٸ "زاپوروجەتس" كٶلٸگٸمەن جول اپاتىنا تٷسكەن پاۆلودارلىق زەينەتكەر ەفيم كۋپين ناۋقاس بالالارعا كٶمەكتەسۋ ٷشٸن تٶرت ميلليون تەڭگە اۋداردى, - دەپ حابارلايدى Tengrinews.kz تٸلشٸسٸ.
85 جاستاعى پاۆلودارلىق اقساقال ٶزٸنٸڭ يگٸ ٸسٸن Instagram جەلٸسٸندە جارييالادى.
"ماعان كٶمەكتەسكەن بارشاڭىزعا راقمەت. ماعان جينالعان اقشانىڭ تٶرت ميلليون تەڭگەسٸن مۇقتاج بالالارعا اۋداردىق", - دەيدٸ زەينەتكەر.
ۆيدەونى قالا تۇرعىنى نازيمحان نازىموۆ ٶز پاراقشاسىندا جارييالادى. نازيمحان زەينەتكەر جول اپاتىنا ۇشىراعاندا العاشقىلاردىڭ بٸرٸ بولىپ كٶمەكتەسٸپ, ەسەپشوت اشقان.
"مەن ۆولونتەر دە, بلوگەر دە ەمەسپٸن. اتانىڭ ۆيدەوسىن كەزدەيسوق كٶردٸم. قاتتى ەسەر ەتتٸ. مەنٸڭ جۇمىسىم اپات بولعان جەرگە جاقىن ورنالاسقاندىقتان, ەفيم نيكيتيچتٸ تەز تاۋىپ الدىم. ونى ٷيگە اپارىپ, بانكتەن ەسەپشوت اشىپ, ۆيدەوعا تٷسٸرٸپ, قالا جۇرتشىلىعىنا جٸبەردٸم. از بولسا دا كٶمەكتەسٸپ, بٸراز سوما جينارمىز دەپ ويلاعانمىن. بٸراق اقپارات باق-تا تاراپ كەتتٸ", - دەيدٸ پاۆلودارلىق.
زەينەتكەرگە كٶمەك رەتٸندە قازاقستاندىقتاردىڭ قانشا اقشا جيناعانى ايتىلمادى. بٸراق زەينەتكەر بٷلٸنگەن Toyota كٶلٸگٸن جٶندەۋگە 4,1 ميلليون تەڭگە تٶلەپ قويعان. ال قالعان سوما ۋەدە ەتٸلگەندەي ناۋقاس بالالاردىڭ ەمٸنە اۋدارىلدى.
"ەفيم نيكيتيچ ٷش بالاعا تٶرت ميلليون تەڭگە اۋداردى. بٸراق بۇل بەرٸ ەمەس, قالعان اقشانى ەرتەڭ تاعى بٸرنەشە بالاعا اۋدارامىز. جەتٸ بالاعا كٶمەكتەسەمٸز دەپ وتىر. اتانى بۇلاي ٸستەۋگە ەشكٸم مەجبٷرلەگەن جوق. الاياقتارعا تاپ بولماس ٷشٸن بالالارىڭ اتا-اناسىنا حابارلاسىپ جاتىرمىز", - دەدٸ نازيموۆ.
دەلەل رەتٸندە ەر ادام زەينەتكەر كۋپيننەن كٶمەك العان بالالاردىڭ انالارى جٸبەرگەن ۆيدەونى تٸركەگەن. پاۆلودارلىق ەيەلدەردٸڭ بٸرٸ تبيليسيدە ەم الىپ جاتقان كٸشكەنتاي قىزىنا ەفيم نيكيتيچتەن ەكٸ ميلليون تەڭگە العانىن راستادى.
21 قىركٷيەكتە سوتتا "زاپوروجەتس" جكو بويىنشا ەكٸمشٸلٸك ٸس قارالدى. زەينەتكەر جول جٷرۋ ەرەجەسٸن بۇزىپ, كٶلٸك قۇرالىنا زاقىم كەلتٸرگەنٸ ٷشٸن كٸنەلٸ دەپ تانىلىپ, وعان 20 ايلىق ەسەپتٸك كٶرسەتكٸش كٶلەمٸندە ايىپپۇل سالىندى. جەڭٸلدٸكتٸ ەسەپكە العاندا جالپى سوما 43 مىڭ تەڭگەگە جۋىقتادى.
