ەلەۋمەتتٸك جەلٸدە جاپونييانىڭ باسقا مەملەكەت ازاماتتارىنا دەگەن قۇرمەتٸ سٶز بولىپ جاتىر, دەپ حابارلايدى ult.kz.
جەلٸ قولدانۋشىلارىنىڭ ايتۋىنشا, جاپوندىقتار سول ەلدە جٷرگەن ٶزگە مەملەكەتتٸڭ ازاماتتارىنا ٶز تٸلٸندە حابارلاما جٸبەرەدٸ ەكەن. مىسالى, abdulla _zhaydak ەسٸمدٸ جەلٸ قولدانۋشىسى:
«جاپون ەلٸندە جٷرگەن قازاق جٸگٸتتٸڭ تەلەفونىنا وسىنداي حابارلاما كەلگەن عوي. جاپونشا تٷسٸنبەي قالىپ قاۋٸپتٸ جەردە قالىپ كەتپەۋٸن الاڭداپ, قازاق تٸلٸندە ەسكەرتۋ جٸبەرگەن. اسقار جۇمادٸلدا اعامىز: «جاپوندا سٶز بەن ٸستٸڭ اراسى بٸر ەلٸ» دەپ تەككە ايتپاسا كەرەك», - دەپ جازدى.
پٸكٸر بٶلٸمٸنە كٶپتەگەن جىلى لەبٸزدەر كەلدٸ. جەلٸدەگٸلەر:
«قانداي دامىعان ەل», «قازاقشا بٸلمەيتٸن قازاقتارعا اۋىر تيەدٸ», «تٷسٸنٸگٸ ٶتە تەرەڭ. ايتىپ جەتكٸزە المايمىن», «بٸزدٸكٸلەر ورىس تٸلٸنەن اۋدارىپ قويا سالادى» دەپ جارىسا جازدى.
