قىتايدىڭ وڭتٷستٸك-باتىسىندا تولاسسىز جاۋعان نٶسەر جاڭبىر اۋىر زارداپتارعا ەكەلدٸ. قاتتى جاۋىن سالدارىنان ٷيلەر قيراپ, لاي كٶشكٸنٸ جٷرٸپ, كەمٸندە 10 ادام كٶز جۇمدى, دەپ حابارلايدى ult.kz.
بۇل تۋرالى قىتايدىڭ مەملەكەتتٸك CCTV تەلەارناسى حابارلادى.
تابيعي اپاتتان ەڭ كٶپ زارداپ شەككەن ايماقتاردىڭ قاتارىندا سىچۋان پروۆينتسيياسى مەن گۋانسي ٶڭٸرٸ بار. سىچۋاندە جاۋىن سۋى جينالىپ, اۋىلداعى ٷيدٸڭ شاتىرى مەن قابىرعاسى وپىرىلىپ, بەس ادام قازا تاپقان. وقيعا 18 تامىزدا بالالاردىڭ جوعارى وقۋ ورنىنا تٷسۋ نەتيجەسٸن اتاپ ٶتۋگە ارنالعان داستارحان كەزٸندە بولعان.
بۇدان بٶلەك, چاننين ۋەزٸندەگٸ ٷيدٸڭ قۇلاۋىنان تاعى ٷش ادام كٶز جۇمعان. تاعى ەكٸ ادام اۋرۋحانادا قايتىس بولعان. اپات سالدارىنان 17 ادام جاراقات الىپ, مەديتسينالىق كٶمەككە جٷگٸنگەن.
نٶسەر جاڭبىر تاۋلى ايماقتاردا لاي كٶشكٸنٸ قاۋپٸن كٷشەيتٸپ, كەيبٸر جولداردىڭ جابىلۋىنا سەبەپ بولعان. ەسٸرەسە گانتسزى جەنە ابا ايماقتارىندا تابيعي اپاتتار تٸركەلگەن.
قىتايدىڭ اپاتتاردىڭ الدىن الۋ جٶنٸندەگٸ ورگاندارى قاۋٸپسٸزدٸك ماقساتىندا چەندۋ, تسزىگۋن جەنە باسقا دا اۋدانداردان 21 784 ادامدى ەۆاكۋاتسييالاعان.
ماماندار جاڭبىردىڭ جالعاسۋىنا بايلانىستى ٶڭٸرلەردە جاڭا سۋ تاسقىنى مەن كٶشكٸن قاۋپٸ ساقتالىپ وتىرعانىن ەسكەرتتٸ. قۇتقارۋ قىزمەتتەرٸ زارداپ شەككەن اۋماقتاردا جۇمىسىن جالعاستىرىپ جاتىر.
