فوتو اشىق دەرەككٶزدەن الىندى
زاڭسىز بەرٸلگەن جەنە پايدالانىلماعان 10 ملن گەكتار جەر مەملەكەتكە قايتارىلدى, - دەپ حابارلايدى "ۇلت اقپارات" اۋىل شارۋاشىلىعى مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, ونىڭ 2,8 ملن گەكتارى جەرگٸلٸكتٸ فەرمەرلەرگە, ٶڭٸرلەردٸڭ تۇرعىندارىنا قايتا بٶلٸنگەن. بۇدان بٶلەك, وسىعان دەيٸن پايدالانىلماعان 3,4 ميلليون گەكتار جەردٸ يەلەرٸ يگەرۋگە كٸرٸسكەن.
"مەملەكەت باسشىسى ٶز جولداۋىندا زاڭسىز ٷلەستٸرٸلگەن جەنە پايدالانىلماي بوس جاتقان 10 ملن گەكتار جەردٸ مەملەكەت مەنشٸگٸنە قايتارۋ تۋرالى تاپسىرما بەرگەن بولاتىن. ٷكٸمەت بۇل تاپسىرمانى 2022-2023 جىلدارى تولىق ورىندادى. بٷگٸندە اۋىل شارۋاشىلىعى مينيسترلٸگٸ ەلدٸڭ ستراتەگييالىق رەسۋرسىن ۇتىمدى پايدالانۋ جٶنٸندەگٸ مٸندەتتەر كەشەنٸن ٸسكە اسىرۋدى جالعاستىرىپ جاتىر. ال نەگٸزگٸلەرٸنٸڭ بٸرٸ – اۋىلدىق وكرۋگتەردەگٸ ەلدٸ مەكەندەردٸڭ اينالاسىنداعى جايىلىم تاپشىلىعىن ازايتۋ.
2023 جىلى ينتەراكتيۆتٸ كارتا جاڭارتىلدى (Jerkarta.gharysh.kz), وندا قازٸر بارلىق قايتارىلعان اۋىلشارۋاشىلىق جەرٸنٸڭ ورنالاسقان ورنى مەن اۋدانى كٶرسەتٸلگەن. سونداي-اق, جايىلىمدىق جەرلەردە تاپشىلىققا ۇشىراعان اۋماقتاردىڭ ورنالاسقان جەرٸ تۋرالى دەرەكتەردٸ ينتەراكتيۆتٸ كارتاعا ەنگٸزۋ جۇمىستارى اياقتالدى. بۇل قايتارىلعان جەر ۋچاسكەلەرٸن ەسكەرە وتىرىپ, قاجەت بولعاندا جايىلىمعا جەر بەرۋ ٷشٸن ايماقتىڭ بٷكٸل بەينەسٸن انىق كٶرۋگە مٷمكٸندٸك بەرەدٸ" - دەلٸنگەن حابارلامادا.
ۆەدومستۆو مەلٸمەتٸنشە, قىزمەتتٸ قاعازسىز كٶرسەتۋ جەنە جەر ۋچاسكەلەرٸن بەرۋ رەسٸمٸن اۆتوماتتاندىرۋ ٷشٸن جمبمك اج ٸسكە قوسىلعان. اقپاراتتىق جٷيە اشىق تٷردە جۇمىس ٸستەيدٸ, پايدالانۋشىلارعا جارييا كاداسترلىق كارتادا جەرگٸلٸكتٸ اتقارۋشى ورگاندارعا وعان قۇقىق بەرۋ تۋرالى ٶتٸنٸش قالدىرۋ ٷشٸن ۋچاسكەنٸ تاڭداۋعا مٷمكٸندٸك بەرەدٸ.
"استانا, الماتى, شىمكەنت قالالارىندا, وبلىستىق جەنە اۋداندىق ماڭىزى بار قالالاردا جەر ۋچاسكەلەرٸن بەرۋدٸڭ ەلەكتروندىق تەرتٸبٸ زاڭنامالىق تٷردە ەنگٸزٸلدٸ. تسيفرلىق اۋىل شارۋاشىلىعى كارتالارى جاسالىپ جاتىر. 2023 جىلدىڭ قورىتىندىسى بويىنشا بارلىعى 145 ملن گا اۋىل شارۋاشىلىعى جەرلەرٸ تسيفرلاندىرىلدى, بۇل ەلٸمٸزدٸڭ اۋىل شارۋاشىلىعى القاپتارىنىڭ 77%-ىن قۇرايدى. اۋىل شارۋاشىلىعى جەرلەرٸن تسيفرلاندىرۋدى تولىعىمەن 2025 جىلى اياقتاۋ جوسپارلانىپ وتىر.
جەردٸ ساپالى جەنە ۇتىمدى پايدالانۋدى ارنايى قۇرىلعان مەملەكەتتٸك ينستيتۋت – "گيپروزەم" رمك قاداعالايتىن بولادى. كەسٸپورىن ەكونوميكالىق باعالاۋ, جەر مونيتورينگٸ, توپىراق, گەوبوتانيكالىق, توپىراققا اگروحيمييالىق زەرتتەۋلەر جٷرگٸزبەك. بارلىق اۋىل شارۋاشىلىعى جەرٸن تسيفرلاندىرۋ اياقتالعاننان كەيٸن توپىراقتىڭ ساپالىق سيپاتتامالارى مەن جايىلىمدىق جەرلەردٸڭ جەم-شٶپ سىيىمدىلىعى بار جەكە اشىق ەلەكتروندىق كارتا قۇرىلادى" - دەلٸنگەن مينيسترلٸك حابارلاماسىندا.
