كٷنٸ كەشە سەنات دەپۋتاتى بٸرعانىم ەيتٸموۆا استانادا ٶتكەن جيىنداردىڭ بٸرٸندە وتاندىق باق ٶكٸلدەرٸ ارقىلى «دەپۋتاتتاردى جيٸ سىنايسىزدار, ولاردى سايلاعان ٶزدەرٸڭٸز» دەپ قوعامعا رەنٸشٸن بٸلدٸرگەن بولاتىن. ال, تانىمال زاڭگەر دجوحار ۋتەبەكوۆ سەناتوردىڭ بۇلاي دەۋٸ ەش قيسىنعا كەلمەيتٸنٸن ايتىپ وتىر.
ايتا كەتەيٸك, كەشە نازارباەۆ قوعامدىق سانانى جاڭعىرتۋ بويىنشا مەملەكەتتٸك باعدارلامانى ٸسكە اسىراتىن ۇلتتىق كوميسسييانى قۇرۋعا جارلىق بەرگەن بولاتىن. مۇنان كەيٸن قوعامدا «دەپۋتاتتاردىڭ دا ساناسىن جاڭعىرتۋ كەرەك» دەگەن ۇسىنىستار ايتىلدى. ەيتٸموۆا بولسا بۇل ۇسىنىسقا كٶپ كٷتتٸرمەي جاۋاپ بەردٸ.
«دەپۋتاتتاردىڭ سانا-سەزٸمٸ بار, ساناسى جوق دەپۋتاتتار بٸزدە جوق. بٸزگە العا قاراي جىلجۋ كەرەك, ٶز مٷددەلەرٸمٸزدٸ باتىلىراق قورعاۋ كەرەك, جالپى ەلٸمٸزدٸڭ مٷددەسٸن قورعاۋ كەرەك. دەپۋتاتتاردى سىنعا العاندى جاقسى كٶرەسٸزدەر, ال ەندٸ مەن سٸزدەرگە بٸر سۇراق قويايىن: ولاردى كٸم سايلادى سوندا? سايلاۋشىلار سايلادى عوي. سٸزدەر سەناتورلاردى مەسليحات ارقىلى سايلايسىزدار - مٸنە, سٸزدەرگە. وندا لايىقتى بولاتىن ادامداردى سايلاڭىزدار. مەنٸڭشە, حالىق لايىقتى دەپۋتاتتاردى سايلادى», - دەدٸ بٸرعانىم ەيتٸموۆا.
زاڭگەر دجوحار ۋتەبەكوۆ بولسا, بٸرعانىم ەيتٸموۆانى دا, ودان ٶزگە سەناتورلاردى دا, تٸپتٸ, مەجٸلٸس دەپۋتاتتارىن دا حالىق سايلاماعانىن ايتىپ وتىر. بۇل تۋرالى ول ٶزٸنٸڭ Facebook-پاراقشاسىندا مەلٸمدەدٸ.
«كونستيتۋتسييا بويىنشا بٸزدە 47 سەناتور بار. ولاردىڭ 15-ٸن پرەزيدەنتتٸڭ ٶزٸ تاعايىندايدى. ەيتٸموۆا - سول 15-تٸڭ بٸرٸ. دەمەك, ول تاعايىندالعان. قالعان سەناتورلاردى دا حالىق سايلاعان جوق. ولاردى وبلىستىق مەسليحاتتاعىلار قۇپييا جولمەن سايلاپ الدى», - دەيدٸ زاڭگەر.
ول سونداي-اق, مەجٸلٸس دەپۋتاتتارىنىڭ دا پارتييالىق تٸزٸممەن پارلامەنتكە ٶتكەنٸن, حالىقتىڭ بۇل پروتسەسكە دە ىقپال ەتپەگەنٸن ايتتى.
«تٶمەنگٸ پالاتادا تاعى دا قازاقستان حالقى اسسامبلەياسىنىڭ اتىنان سايلاناتىن دا دەپۋتاتتار بار. بٸراق, ولاردىڭ قازاقستان حالقىنا ەش قاتىسى جوق», - دەپ جازدى ۋتەبەكوۆ.
