قازاقستاندا زاڭعا قايشى كەلەتٸن 5700-دەن استام ينتەرنەت-رەسۋرس بۇعاتتالدى. بۇل تۋرالى ٸشكٸ ٸستەر مينيسترلٸگٸ مەلٸمدەدٸ, دەپ حابارلايدى قازاقپارات.
«بٸز ينتەرنەت جەلٸسٸنە زاڭعا قارسى ٸس-ەرەكەتتەردٸ, بالالاردى ازعىرۋ, سۋيتسيدتٸك ويىندار, بۇزۋشىلىقتار مەن قاتىگەزدٸككە شاقىرۋ جەنە جالعان اقپاراتتى تاراتۋمەن بايلانىستى اقپاراتتى انىقتاۋ بويىنشا ٷنەمٸ تالداۋ جٷرگٸزٸپ وتىرامىز. جىل باسىنان بەرٸ 7300 شەتەلدٸك ينتەرنەت-رەسۋرستار انىقتالدى, ونىڭ ٸشٸندە پورنوگرافييا, ەسٸرتكٸ قىلمىسى, ينتەرنەت-كازينو قىزمەتٸ, قارجى پيراميدالارى جەنە باسقا دا الاياقتىق سحەمالار, قاتىگەزدٸك پەن سۋيتسيدتٸ ناسيحاتتاۋ, قارۋ-جاراق ساتۋ جەنە باسقالارى بار. ولاردىڭ مەلٸمەتتەرٸ قازاقستان اۋماعىنان كٸرۋدٸ بۇعاتتاۋ ٷشٸن كيبەرباقىلاۋدىڭ اقپاراتتىق جٷيەسٸنە ەنگٸزٸلگەن. قازٸرگٸ ۋاقىتتا 5 736 رەسۋرس بۇعاتتالدى, قالعاندارى تەكسەرۋ ساتىسىندا تۇر», - دەدٸ قر ٸشكٸ ٸستەر مينيسترلٸگٸ كريمينالدىق پوليتسييا دەپارتامەنتٸنٸڭ كيبەرقىلمىسپەن كٷرەس ورتالىعى باستىعىنىڭ مٸندەتٸن اتقارۋشى رٷستەم دٷيسەتاەۆ مەجٸلٸس كوميتەتٸنٸڭ وتىرىسىندا.
ول بالالار مەن كەمەلەتكە تولماعاندارعا قاتىستى قىلمىستاردى انىقتاۋعا ەرەكشە نازار اۋدارىلاتىنىن اتاپ ٶتتٸ.
«بٸرنەشە مىسال كەلتٸرەيٸن. 2020 جىلى مونيتورينگ بارىسىندا بٸز كەمەلەتكە تولماعان قازاقستاندىقتارعا قاتىستى سۋيتسيدتٸك سيپاتتاعى توپ تۋرالى اقپارات الدىق. جەدەل-ٸزدەستٸرۋ نەتيجەسٸندە ەلەۋمەتتٸك جەلٸلەردە وسىنداي توپتار قۇرعان ارىس قالاسىنىڭ تۇرعىنى ۇستالدى. وسىلايشا «جاسىل مىسىق» ويىنىنداعى 21 تاپسىرمانى ورىنداۋ كەرەك بولعان. سوڭعى تاپسىرما زيياندى سۇيىقتىقتاردى قولدانۋ, بيٸك عيماراتتان سەكٸرۋ جەنە ت.ب. ارقىلى سۋيتسيد جاساۋ بولعان. ويىن سالدارىنان شقو-نىڭ 14 جاستاعى تۇرعىنى زارداپ شەككەن. قىلمىس انىقتالعان كەزدە ول 14 تاپسىرمانى ورىنداعان ەدٸ. وسى جىلدىڭ ناۋرىز ايىندا اۋداندىق سوت كٷدٸكتٸنٸ 4 جىلعا باس بوستاندىعىنان ايىردى», - دەدٸ رٷستەم دٷيسەتاەۆ.
