جاڭاٶزەندە گاز جابدىعى ورناتىلعان كٶلٸك ٶرتەنٸپ, ونىڭ ٸشٸندەگٸ گاز باللونى جارىلدى. وقيعا 8 قىركٷيەككە قاراعان تٷنٸ مەرەي شاعىن اۋدانىنداعى 46-شى كٶشەدە بولعان, دەپ حابارلايدى ult.kz.
تٶتەنشە جاعدايلار مينيسترلٸگٸنٸڭ مەلٸمەتٸنشە, قۇتقارۋشىلار كەلگەنگە دەيٸن كٶلٸكتەگٸ گاز باللونى جارىلىپ كەتكەن. ٶرت سٶندٸرٸلدٸ. زارداپ شەككەندەر جوق.
تجم جٷرگٸزۋشٸلەرگە گاز باللونى مەن جابدىقتىڭ جاعدايىن ٷنەمٸ تەكسەرٸپ, جٶندەۋ جۇمىستارىن تەك مامانداندىرىلعان سەرۆيستەردە جٷرگٸزۋدٸ ەسكەرتتٸ.
كٶلٸكتەن گاز يٸسٸ شىقسا, قوزعالتقىشتى دەرەۋ ٶشٸرٸپ, اشىق وت پەن ەلەكتر قۇرالدارىن پايدالانباۋ كەرەك. جٷرگٸزۋشٸ قاۋٸپسٸز جەرگە شىعىپ, 112 نٶمٸرٸنە حابارلاسۋى تيٸس.
