زاڭ قابىلداۋ قۇقىعى مەجٸلٸسكە تيەسٸلٸ بولادى. بۇل تۋرالى كونستيتۋتسييالىق كەڭەستٸڭ اپپارات جەتەكشٸسٸ باقىت نۇرمۇحانوۆ ايتتى, دەپ حابارلايدى قازاقپارات.
«زاڭ شىعارۋ پروتسەسٸن جاڭعىرتۋعا ارنالعان بٸرقاتار ٶزگەرٸس جاسالدى. زاڭ قابىلداۋ قۇقىعى نەگٸزٸنەن مەجٸلٸسكە تيەسٸلٸ بولادى. سەناتقا مەجٸلٸس قابىلداعان زاڭداردى ماقۇلداۋ نەمەسە ماقۇلداماۋ قۇقىعى بەرٸلەدٸ. رەتتەيتٸن مەسەلەلەردٸڭ ماڭىزدىلىعىن ەسكەرە وتىرىپ, كونستيتۋتسييالىق زاڭداردى پالاتالاردىڭ بٸرلەسكەن وتىرىسىندا قابىلداۋ قولداۋ تاپتى. ٷكٸمەتكە ادام ٶمٸرٸ مەن دەنساۋلىعىنا, مەملەكەتتٸڭ قاۋٸپسٸزدٸگٸنە, باسقا دا قۇندىلىقتارعا ايرىقشا قاۋٸپ تٶنگەن جاعدايدا زاڭ كٷشٸ بار نورماتيۆتٸك-قۇقىقتىق اكتٸلەر قابىلداۋ قۇقىعى بەرٸلدٸ», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ ايتۋىنشا, ەلٸمٸزدٸڭ اتا زاڭىنا ەنگٸزٸلەتٸن تٷزەتۋلەر مەن ٶزگەرتۋلەر جوباسىنىڭ اۋقىمدى بٶلٸگٸ ادام قۇقىقتارى مەسەلەلەرٸنە ارنالعان.
«بىلتىر قازاقستاننىڭ قىلمىستىق كودەكسٸنەن جەنە باسقا زاڭدارىنان ٶلٸم جازاسى الىنىپ تاستالدى. ەندٸ بۇل ۇعىم اتا زاڭنان جويىلىپ وتىر. وسىلايشا, بٸز قازاقستان ٸس جٷزٸندە دە, زاڭ جٷزٸندە دە ٶلٸم جازاسى جوق مەملەكەت دەپ ايتا الاتىن بولامىز. ومبۋدسمەن ينستيتۋتى تۋرالى جەكە باپ قاراستىرىلدى. ازاماتتاردىڭ ٶتٸنٸش بەرۋٸنە جول اشىپ, كونستيتۋتسييالىق كەڭەستٸ كونستيتۋتسييالىق سوتقا اينالدىرۋ باستاماسىن ەرەكشە اتاپ ٶتكٸم كەلەدٸ. كونستيتۋتتسييالىق سوت تٶرەلٸگٸ بويىنشا دٷنيەجٷزٸلٸك قاۋىمداستىققا مٷشە 118 ەلدٸڭ 78-ٸندە كونستيتۋتسييالىق سوت قۇرىلعان. 12 مەملەكەتتە كونستيتۋتتسييالىق كەڭەس جۇمىس ٸستەيدٸ. قالعاندارىندا بۇل فۋنكتسييانى جوعارعى سوت جەنە باسقا ورگاندار جٷزەگە اسىرادى. وسى ورايدا قازاقستان ەلەمدە ەڭ كەڭ تاراعان جەنە تيٸمدٸ مودەلدٸ تاڭداپ وتىر دەپ ايتا الامىز», - دەدٸ باقىت نۇرۇحانوۆ.
