جامبىل وبلىسىندا قازاقستان اۋماعىنا تاڭبالاۋسىز تەمەكٸ ٶنٸمدەرٸن زاڭسىز ەكەلٸپ, ٶتكٸزۋمەن اينالىسقان ترانسۇلتتىق ۇيىمداسقان قىلمىستىق توپتىڭ قىزمەتٸ توقتاتىلدى, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, قىلمىستىق سحەمانى جامبىل وبلىسىنىڭ تۇرعىنى ۇيىمداستىرعان. ول تەمەكٸ ٶنٸمدەرٸن قىرعىز رەسپۋبليكاسىنان زاڭسىز تاسىمالداۋدى جولعا قويىپ, تاۋاردى ٶزٸنە باعىنىشتى ادامدار ارقىلى ٶتكٸزگەن.
كونترافاكتٸلٸك تەمەكٸ نەگٸزٸنەن تاراز قالاسىنداعى ساۋدا ورىندارىندا ساتىلىپ, كەيٸن الماتى, شىمكەنت قالالارىنا, سونداي-اق قاراعاندى, اقتٶبە, شىعىس قازاقستان جەنە تٷركٸستان وبلىستارىنا جٶنەلتٸلگەن.
تەرگەۋ بارىسىندا 30-دان استام تٸنتۋ جٷرگٸزٸلٸپ, زاڭسىز اينالىمنان جالپى قۇنى 293 ميلليون تەڭگەنٸ قۇرايتىن 319 مىڭنان استام قوراپ تاڭبالاۋسىز تەمەكٸ تەركٸلەندٸ. ال مەملەكەتكە تٶلەنبەگەن اكتسيز كٶلەمٸ 115 ميلليون تەڭگەگە باعالانعان.
اگەنتتٸك مەلٸمەتٸنشە, قىلمىستىق توپ قۇرامىندا تاۋاردى جەتكٸزۋ مەن قارجىلىق ەسەپ ايىرىسۋدى ۇيىمداستىرعان قىرعىز رەسپۋبليكاسىنىڭ ازاماتتارى دا بولعان. قىلمىستىق كٸرٸستەردٸڭ ٸزٸن جاسىرۋ ٷشٸن ولار بانكتٸك جٷيەدەن تىس جۇمىس ٸستەيتٸن بەيرەسمي «حاۆالا» اقشا اۋدارۋ جٷيەسٸن پايدالانعان.
سوت سانكتسيياسىمەن كونتراباندالىق ٶنٸمدٸ تاسىمالداۋعا پايدالانىلعان ٷش اۆتوكٶلٸككە تىيىم سالىنىپ, بەس كٷدٸكتٸ قاماۋعا الىندى. قازٸرگٸ ۋاقىتتا سوتقا دەيٸنگٸ تەرگەۋ جالعاسىپ جاتىر.
«حاۆالا» دەگەن نە?
«حاۆالا» – بانكتەردٸ اينالىپ ٶتەتٸن بەيرەسمي اقشا اۋدارۋ جٷيەسٸ. وندا اقشا بٸر ەلدەگٸ دەلدالعا بەرٸلەدٸ, ال الۋشى باسقا ەلدەگٸ دەلدالدان ارنايى قۇپييا كود ارقىلى قاراجاتتى قولما-قول الادى. كەيٸن دەلدالدار ٶزارا ەسەپ ايىرىسادى. مۇنداي جٷيە كٶبٸنە قارجى قوزعالىسىن جاسىرۋ ٷشٸن پايدالانىلاتىندىقتان, قۇقىق قورعاۋ ورگاندارىنىڭ ەرەكشە باقىلاۋىندا بولادى.
