استانادا سوتتالعان بلوگەر ەربولات جانەبٸلوۆ پەن ونىڭ جۇبايى ەلميرا تٶلەگەنوۆا راقىمشىلىققا ٸلٸكپەيدٸ. بۇل تۋرالى ٸشكٸ ٸستەر مينيسترٸنٸڭ ورىنباسارى سانجار ەدٸلوۆ مەلٸمدەدٸ, دەپ حابارلايدى ult.kz.
ەرلٸ-زايىپتى الدىن الا سٶز بايلاسىپ, قىلمىستىق جولمەن الىنعان قاراجاتتى زاڭداستىردى دەگەن ايىپپەن سوتتالعان. سوت ٷكٸمٸ بويىنشا ەربولات جانەبٸلوۆ 2 جىلعا شارتتى تٷردە باس بوستاندىعىنان ايىرىلسا, ەلميرا تٶلەگەنوۆا 2 جىلعا باس بوستاندىعىنان ايىرۋ جازاسىنا كەسٸلگەن.
مينيسترلٸك ٶكٸلٸنٸڭ ايتۋىنشا, راقىمشىلىق قولدانىلۋى ٷشٸن كەلتٸرٸلگەن زالال تولىق ٶتەلۋٸ قاجەت. الايدا بۇل ٸس بويىنشا زالال ٶتەلمەگەن.
«ولار اۋىرلىعى ورتاشا قىلمىس جاساعان. بٸراق زالال ٶتەلمەگەندٸكتەن, راقىمشىلىق شاراسى قولدانىلمايدى», — دەدٸ سانجار ەدٸلوۆ مەجٸلٸستەگٸ بريفينگتە.
ايتا كەتەيٸك, ەلميرا تٶلەگەنوۆانىڭ جازاسىن ٶتەۋٸ ٷش بالاسىنىڭ بولۋىنا بايلانىستى كەيٸنگە شەگەرٸلگەن.
