ورالدا الاياقتار جالعان تٶلەم تٷبٸرتەگٸن كٶرسەتٸپ, قۇنى 10 ملن تەڭگە بولاتىن قۇرىلىس ماتەريالدارىن الىپ كەتپەك بولعان. پوليتسييانىڭ جەدەل ەرەكەتٸنٸڭ ارقاسىندا تاۋار كەسٸپكەرگە تولىق قايتارىلدى, دەپ حابارلايدى ult.kz.
وقيعا 20 تامىزدا بولعان. بەلگٸسٸز ادامدار كەسٸپكەردەن قۇرىلىس ماتەريالدارىنا تاپسىرىس بەرٸپ, تاۋار اقىسىن تٶلەگەنٸن راستايتىن جالعان قۇجات جٸبەرگەن. كەسٸپكەر تاۋاردى جٷك كٶلٸگٸنە تيەپ بەرگەننەن كەيٸن عانا تٶلەم تٷبٸرتەگٸنٸڭ جالعان ەكەنٸن انىقتاعان.
ول بٸردەن پوليتسيياعا حابارلاسقان. تەرتٸپ ساقشىلارى جٷك كٶلٸگٸنٸڭ مەملەكەتتٸك نٶمٸرٸن پاترۋلدٸك ەكيپاجدارعا بەرٸپ, كٶلٸكتٸ ٸزدەۋگە كٸرٸستٸ.
كٶپ ۇزاماي جٷك كٶلٸگٸ جول بويىندا توقتاتىلىپ, قۇرىلىس ماتەريالدارى پوليتسييانىڭ سٷيەمەلدەۋٸمەن كەسٸپكەردٸڭ بازاسىنا جەتكٸزٸلدٸ.
كەسٸپكەر باتىس قازاقستان وبلىسىنىڭ پوليتسييا قىزمەتكەرلەرٸنە جەدەل ەرٸ ٷيلەسٸمدٸ ەرەكەتٸ ٷشٸن العىس بٸلدٸردٸ.
پوليتسييا ازاماتتار مەن كەسٸپكەرلەردٸ جالعان تٶلەم تٷبٸرتەكتەرٸنە سەنبەۋگە شاقىردى. تاۋاردى جٶنەلتپەس بۇرىن قاراجاتتىڭ ەسەپشوتقا ناقتى تٷسكەنٸنە كٶز جەتكٸزۋ قاجەت.
