Oralda alaiaqtar jalǵan tólem túbirtegin kórsetip, quny 10 mln teńge bolatyn qurylys materialdaryn alyp ketpek bolǵan. Politsiianyń jedel áreketiniń arqasynda taýar kásipkerge tolyq qaitaryldy, dep habarlaidy ult.kz.
Oqiǵa 20 tamyzda bolǵan. Belgisiz adamdar kásipkerden qurylys materialdaryna tapsyrys berip, taýar aqysyn tólegenin rastaityn jalǵan qujat jibergen. Kásipker taýardy júk kóligine tiep bergennen keiin ǵana tólem túbirteginiń jalǵan ekenin anyqtaǵan.
Ol birden politsiiaǵa habarlasqan. Tártip saqshylary júk kóliginiń memlekettik nómirin patrýldik ekipajdarǵa berip, kólikti izdeýge kiristi.
Kóp uzamai júk kóligi jol boiynda toqtatylyp, qurylys materialdary politsiianyń súiemeldeýimen kásipkerdiń bazasyna jetkizildi.
Kásipker Batys Qazaqstan oblysynyń politsiia qyzmetkerlerine jedel ári úilesimdi áreketi úshin alǵys bildirdi.
Politsiia azamattar men kásipkerlerdi jalǵan tólem túbirtekterine senbeýge shaqyrdy. Taýardy jóneltpes buryn qarajattyń esepshotqa naqty túskenine kóz jetkizý qajet.
