ماڭعىستاۋدا تۋريزمدٸ دامىتۋعا ارنالعان مەملەكەتتٸك قولداۋ قارجىسى جەكە كەسٸپكەردٸڭ زاڭسىز پايداسىنا اينالعان. سوت كەسٸپكەردٸ 117,2 ملن تەڭگە بيۋدجەت قاراجاتىن الاياقتىق جولمەن يەمدەنٸپ, قىلمىستىق جولمەن الىنعان اقشانى زاڭداستىرعانى ٷشٸن كٸنەلٸ دەپ تاپتى, دەپ حابارلايدى ult.kz.
ماڭعىستاۋ وبلىسى پروكۋراتۋراسىنىڭ مەلٸمەتٸنشە, جەكە كەسٸپكەر «ا» دەمالىس بازاسىنىڭ قۇرىلىسىن جٷرگٸزۋگە جۇمسالعان شىعىنداردىڭ بٸر بٶلٸگٸن ٶتەۋ ٷشٸن مەملەكەتتەن سۋبسيدييا العان. الايدا كەسٸپكەر ۇسىنعان جوبالىق-سمەتالىق قۇجاتتاردا ورىندالعان قۇرىلىس جۇمىستارىنىڭ كٶلەمٸ نەگٸزسٸز كٶبەيتٸلگەنٸ انىقتالعان.
تەكسەرۋ كەزٸندە دەمالىس نىسانى مەملەكەتتٸك قولداۋ شارالارى ەنگٸزٸلگەنگە دەيٸن سالىنىپ قويعانى بەلگٸلٸ بولدى. سونىمەن قاتار قۇجاتتاردا كٶرسەتٸلگەن قۇرىلىس جۇمىستارىنىڭ بٸر بٶلٸگٸ ٸس جٷزٸندە ورىندالماعان.
وسىلايشا كەسٸپكەر مەملەكەتتەن 117,2 ملن تەڭگە كٶلەمٸندە سۋبسيدييانى زاڭسىز العان.
ٸس مۇنىمەن شەكتەلمەگەن. جىمقىرىلعان بيۋدجەت قاراجاتى بانك دەپوزيتٸنە ورنالاستىرىلىپ, ودان تاعى 5,6 ملن تەڭگە كٸرٸس الىنعان. تەرگەۋ بۇل ەرەكەتتٸ قىلمىستىق جولمەن الىنعان قاراجاتتى زاڭداستىرۋ رەتٸندە باعالاعان.
اقتاۋ قالالىق سوتىنىڭ ٷكٸمٸمەن جەكە كەسٸپكەر «ا» اسا ٸرٸ مٶلشەردە الاياقتىق جاساۋ جەنە قىلمىستىق جولمەن الىنعان اقشانى زاڭداستىرۋ قىلمىستارىن جاساعانى ٷشٸن كٸنەلٸ دەپ تانىلدى. وعان 5 جىلعا باس بوستاندىعىنان ايىرۋ جازاسى تاعايىندالدى.
سوت ٷكٸمٸ زاڭدى كٷشٸنە ەندٸ.
پروكۋراتۋرا مەملەكەتتٸك قولداۋ باعدارلامالارى ارقىلى بٶلٸنەتٸن بيۋدجەت قاراجاتىن زاڭسىز يەمدەنگەندەر زاڭ الدىندا جاۋاپ بەرەتٸنٸن ەسكەرتتٸ.
