شىعىس قازاقستان وبلىسىندا باق ٶكٸلدەرٸنٸڭ ساۋالدارىنا جاۋاپ بەرگەن ٸشكٸ ٸستەر مينيسترٸنٸڭ ورىنباسارى يۋريي يلين سوڭعى 10 جىلدا تابيعي اپات سالدارىنان بٷلٸنگەن ٷيلەرگە تالداۋ جاسالعانىن مەلٸمدەدٸ, دەپ حابارلايدى قازاقپارات تٸلشٸسٸ.
مينيستر ورىنباسارىنىڭ ايتۋىنشا, ەلٸمٸزدە سۋ قورعاۋ ايماعىنا سالىنعان ٷيلەر سانى ارتىپ كەتكەن. وسىنىڭ سالدارىنان جىل سايىن ٶڭٸرلەردە ٷيلەردٸ سۋ باسۋ وقيعالارى جيٸلەپ وتىر.
«نەگٸزٸ زاڭ بويىنشا سۋ قورعاۋ ايماقتارىنا قۇرىلىس تٷسپەۋٸ كەرەك. زاڭنىڭ وسى تالابىن بوساڭسىتىپ العان سيياقتىمىز. مۇنىڭ بٸر ۇشىندا حالىقتىڭ ەلەۋمەتتٸك جاعدايى تۇر. باسپانالى بولۋ ٷشٸن شاماسى كەلگەن جەرگە ٷي سالادى. ونى زاڭداستىرعان كەزدە تالاپقا ساي بولماي, قۇجاتى كەرٸ قايتارىلادى. بٸراق ولاردى كٶپ جاعدايدا سٷرٸپ تاستامايدى. سۋ العان ٷيلەردٸڭ كٶبٸ وسىلاي سالىنعانىن بايقاپ جٷرمٸز» - دەيدٸ يۋريي يلين.
سوڭعى 10 جىلدا قازاقستان بويىنشا 1 700-دەن استام ٷي تابيعي اپات سالدارىنان بٷلٸنگەن ەكەن. سونىڭ ٸشٸندە 300-400 ٷي عانا سەيسميكالىق جاعىنان قاۋٸپسٸز ايماققا سالىنعان. قالعان ٷيلەردٸڭ بارلىعى سەيسميكالىق تٶزٸمسٸز ايماقتاردا ورنالاسقان كٶرٸنەدٸ. ونداي فاكتٸلەر الماتى جەنە شىعىس قازاقستان وبلىستارىندا جيٸ بايقالىپ وتىر.
مينيسترلٸك ٶكٸلٸ بۇل باعىتتا كەزەڭ-كەزەڭمەن جۇمىس جٷرزٸلەتٸنٸن اتادى.
«سۋ اڭعارىندا سالىنىپ كەتكەن ٷيلەردٸ كەزەڭ-كەزەڭمەن باسقا ورىنعا كٶشٸرۋ كەرەك. اياگٶز قالاسىندا دەل وسى باعىتتا جۇمىس جٷرٸپ جاتىر. سۋ قورعاۋ ايماعىندا تۇرىپ, قيراعان ٷيلەردٸڭ ورنىنا قاۋٸپسٸز ايماقتان باسپانا بەرٸلٸپ جاتىر» - دەدٸ يۋريي يلين.
