قازاقستان ۇلتتىق وليمپيادا كوميتەتٸنٸڭ رەسمي سايتىندا جاڭا جىلدىڭ العاشقى ايىنداعى ٷزدٸك سپورتشى انىقتالدى, دەپ حابارلايدى "ۇلت اقپارات".
Olympic.kz وقىرماندارى وليمپيادا ويىندارىنىڭ قولا جٷلدەگەرٸ يۋلييا گالىشەۆانى ٷزدٸك دەپ تانىدى. ٷمٸتكەرلەر تٸزٸمٸندە جالپى ەسەبٸ بەس سپورتشى بولعان.
ولار: يۋلييا گالىشەۆا (فريستايل-موگۋل), اناستاسييا گورودكو (فريستايل-موگۋل), ەرلان سەرٸكجانوۆ (دزيۋدو), دەمەۋ جادىراەۆ (گرەك-ريم كٷرەسٸ), قايسار الپىسباي (كاراتە).
داۋىس بەرۋ 8 اقپان كٷنٸ 13:00-دە اياقتالىپ, 51,33 پايىز داۋىس جيناعان يۋلييا گالىشەۆا جەڭٸمپاز دەپ تانىلدى.
ەكٸنشٸ ورىندا اناستاسييا گورودكو, ٷشٸنشٸ ورىندا ەرلان سەرٸكجانوۆ ورنالاسقان.
Olympic.kz يۋلييا گالىشەۆا مەن ٶزگە دە سپورتشىلاردى ٸرٸ جەڭٸستەرٸمەن قۇتتىقتاي وتىرىپ, الداعى جارىستاردا توپ جارۋعا تٸلەكتەستٸك بٸلدٸرەدٸ.
