تٷركييا قازاقتارى قۇرعان ۇيىمداردىڭ بٸرٸ – قازاقكەنت التاي قاۋىمداستىعىنىڭ ۇيىتقى بولۋىمەن قازاق دياسپوراسى ىستانبۇلدا تەۋەلسٸزدٸكتٸڭ 30 جىلدىعىنا ارنالعان مەرەكەلٸك ٸس-شارا ٶتكٸزدٸ, دەپ حابارلايدى قازاقپارات.
قانداستارىمىزدىڭ كٷشٸمەن جەنە قازاقستاننىڭ ىستانبۇلداعى باس كونسۋلدىعىنىڭ قولداۋىمەن ٶتكٸزٸلگەن ٸس-شارا مەرەكەلٸك كونتسەرتپەن باستالىپ, قوناقتارعا ۇلتتىق تاعامداردىڭ ۇسىنىلۋىمەن جالعاستى. سونداي-اق, شارا اياسىندا ىستانبۇلداعى جاس قانداستار فۋتبولدان جارىس ٶتكٸزدٸ.
ىستانبۇل قازاقتارىنىڭ باسقوسۋىندا باس كونسۋل ەلٸم بايەل دياسپورانىڭ بەلسەندٸ ٶكٸلدەرٸنە العىس حاتتار مەن ەستەلٸك سىيلىقتار تابىستادى. جىراقتا جٷرسە دە, اتاجۇرتتىڭ ازاتتىعى مەن ٶركەندەۋٸنە قاشان دا تٸلەكتەس بولىپ جٷرگەن الىستاعى اعايىن قازاق ەلٸنٸڭ ٶزدەرٸنە كٶرسەتكەن قامقورلىعى ٷشٸن العىس بٸلدٸردٸ.
سونىمەن قاتار, ايتۋلى مەرەكەنٸ قانداستارمەن تويلاۋ اياسىندا باس كونسۋل ە. بايەل قازاق دياسپوراسى قۇرعان تاعى بٸر ۇيىم – قوجا احمەت ياساۋي عىلىم جەنە پاراسات قورىندا دياسپورا ٶكٸلدەرٸمەن كەزدەسٸپ, تەۋەلسٸزدٸك جەنە قازاق-تٷرٸك ىنتىماقتاستىعى جٶنٸندە ەڭگٸمە قۇردى.
جالپى, تەۋەلسٸزدٸكتٸڭ 30 جىلدىعىنا وراي, الىپ شاھاردا جىل باسىنان بەرٸ بٸرتالاي شارا ٶتتٸ. اتاپ ايتقاندا, اباي الاڭى مەن ەسكەرتكٸشٸ اشىلىپ, دٷنيەجٷزٸ قازاقتارى قاۋىمداستىعىنىڭ كٸشٸ قۇرىلتايى ٶتتٸ. سونىمەن قاتار, قازاقستان تەۋەلسٸزدٸگٸنٸڭ 30 جىلدىعىنا ارنالعان كٷمٸس ەستەلٸك مونەتا باسىلدى. بۇدان بٶلەك, مۇستافا ٶزتٷرٸك اتىنداعى ساياباق اشىلدى. قازاقتىڭ ٶنەرٸ مەن مەدەنيەتٸن, ەلٸمٸزدٸڭ ەلەۋەتٸن تانىستىرۋ ماقساتىندا تەتتٸمبەت اتىنداعى وركەستردٸڭ كونتسەرتٸ, «ۇلىتاۋ» توبىنىڭ كونتسەرتٸ, «الاتاۋ» تەاترىنىڭ «التىباقان» ويىن-ساۋىق كەشٸ, «توميريس» جەنە «قازاق حاندىعى» فيلمدەرٸنٸڭ كٶرسەتٸلٸمٸ, «وردالى ەلدٸڭ 30 جىلى» جەتٸستٸكتەر كٶرمەسٸ, «تەۋەلسٸزدٸكتٸڭ 30 جىلى جەنە ينۆەستيتسييالىق مٷمكٸندٸكتەر» دٶڭگەلەك ٷستەلٸ ۇيىمداستىرىلدى. سونداي-اق, قازاقستاندىق ستۋدەنتتەردٸڭ سليوتى ٶتٸپ, ىستانبۇلدا بٸلٸم الىپ جاتقان جاستاردىڭ «بٸرلٸك» ۇيىمى قۇرىلدى.
