ىستانبۇل ەۋەجايىندا كٶز جۇمعان قازاقستان ازاماتىنىڭ دەنەسٸ جۋىق ارادا ەلگە جەتكٸزٸلەدٸ. بۇل جايلى قر سٸم عيماراتىندا ٶتكەن بريفينگ بارىسىندا قر سٸم رەسمي ٶكٸلٸ ايبەك سماديياروۆ مەلٸم ەتتٸ, دەپ حابارلايدى قازاقپارات تٸلشٸسٸ.
ەسكە سالا كەتسەك, ىستانبۇلداعى «اتاتٷرٸك» ەۋەجايىندا ەر ادام ەكٸنشٸ قاباتتان سەكٸرٸپ, قازا تاپقان ەدٸ.
«تۋىستارىنا حابار بەرٸلدٸ. بٷگٸن ونىڭ جۇبايى ىستانبۇل قالاسىنا ۇشىپ كەلدٸ. قازٸرگٸ تاڭدا ونىڭ دەنەسٸ ىستانبۇل قالاسىنىڭ بٸر اۋرۋحاناسىندا جاتىر. بٷگٸن بٷكٸل قۇجات دايىندالىپ, جاقىن ارادا دەنەسٸ قازاقستانعا جەتكٸزٸلەدٸ. قالاي قۇلادى, نەگە قۇلادى - ول تۋرالى تٷرٸك پوليتسيياسى تەرگەۋ جٷرگٸزٸپ جاتىر. تەرگەۋ نەتيجەسٸ بولعان جاعدايدا سٸزدەرگە حابارىن بەرەمٸز», - دەدٸ ايبەك سماديياروۆ.
قايتىس بولعان كٸسٸنٸڭ كٸم ەكەنٸن قر سٸم رەسمي ٶكٸلٸ ەزٸرگە ايتا المايتىنىن جەتكٸزدٸ.
«ەربٸر تۇلعانىڭ جەكە اقپاراتى بولعاندىقتان, ونى قازٸر ايتا المايمىز. كەيٸن تۋىستارىنىڭ ٶزدەرٸ ايتپاسا... جالپى, نە ٷشٸن بارعانى بەلگٸسٸز. 26 قىركٷيەك كٷنٸ ىستانبۇل قالاسىنىڭ ەۋەجايىنا ۇشىپ كەلگەن. رەسمي تٷردە شەكارادان ٶتكەننەن كەيٸن سول ەۋەجاي عيماراتىندا 27 قىركٷيەك تٷسكٸ 15:30-عا دەيٸن جٷرگەن. سوسىن ەكٸنشٸ قاباتتان قۇلاپ, قايتىس بولعان», - دەيدٸ ول.
ايبەك سماديياروۆ اتاپ ٶتكەندەي, قازاقستاننىڭ تٷركيياداعى كونسۋلى قايتىس بولعان كٸسٸنٸڭ تۋىستارىنا بارىنشا كٶمەكتەسٸپ جاتىر.
