باق-تا ىستامبۇلدا بومبا جاردى دەگەن كٷدٸكپەن ۇستالعان ەيەلدٸڭ ۆيدەوسى جارييالاندى, - دەپ حابارلايدى Tengrinews.kz اگەنتتٸگٸ Milliyet تٷرٸك باسىلىمىنا سٸلتەمە جاساپ.
تەرروريزمگە قارسى بٶلٸم بريگادالارى شابۋىلعا كٸنەلٸ دەپ تانىلعان ەيەلدٸ ۇستادى. جەلٸدە كٷدٸكتٸ ۇستالعان سەتتٸڭ كادرلارى پايدا بولدى.
ايتا كەتەتٸن جايت, بۇعان دەيٸن تٷرٸك پوليتسيياسى 22 كٷدٸكتٸنٸ ۇستاعان بولاتىن, ونىڭ ٸشٸندە بومبا قويعان ەيەل دە بار. بۇل تۋرالى تٷركييانىڭ ٸشكٸ ٸستەر مينيسترٸ سٷلەيمان سويلۋ مەلٸمدەدٸ.
"بٸز شابۋىل تۋرالى نۇسقاۋ كوبانيدەن كەلگەن دەپ باعالادىق. وقيعاعا سەبەپكەر ادام بومبانى قويىپ كەتكەن, ول ۇستالدى. بۇعان دەيٸن تاعى 21 ادام ۇستالدى", - دەدٸ ٸشكٸ ٸستەر مينيسترٸ.
سونىمەن قاتار, سويلۋ ىستامبۇلداعى جارىلىستى ۇيىمداستىرۋشىلار مەن كٸنەلٸلەرگە قاتاڭ جاۋاپ بەرٸلەتٸنٸن ايتتى.
"قىلمىسكەر افرين ارقىلى ٶتكەن. قازٸر مۇنىڭ بەرٸ انىقتالىپ جاتىر. تٷركيياعا زييانىن تيگٸزگەن بۇل شابۋىلدى ۇيىمداستىرۋشىلارعا دا, جاساعاندارعا دا قاتاڭ جاۋاپ بەرٸلەدٸ", - دەدٸ مينيستر.
جارىلىس ىستامبۇلدىڭ ورتالىعىندا, بەيوگلۋ اۋدانىنداعى تاكسيم الاڭى ماڭىنداعى ادام كٶپ جٷرەتٸن يستيكليال كٶشەسٸندە بولعان. بۇل - تۋريستەر اراسىندا تانىمال باعاتتاردىڭ بٸرٸ. تٷرٸك اقپارات قۇرالدارىنىڭ مەلٸمەتٸنشە, جارىلىس التى ادامنىڭ ٶمٸرٸن قيىپ, 81 ادام جاراقات العان.
ايتا كەتەيٸك, جارىلىسقا جاۋاپكەرشٸلٸكتٸ ەزٸرگە ەشكٸم موينىنا العان جوق. 2015-2016 جىلدارى تٷركييانىڭ ٸرٸ قالاسىندا "يسلام مەملەكەتٸ" تەررور ۇيىمى بٸرنەشە رەت جارىلىس جاساعان.
