فوتو: ©ريا نوۆوستي
قازاقستان تۋماسى, "ياندەكستٸڭ" تەڭ قۇرىلتايشىسى جەنە بۇرىنعى باس ديرەكتورى اركاديي ۆولوج كومپانييادان كەتەتٸنٸن حابارلادى. بۇل تۋرالى The Bell ونلاين باسىلىمى "ياندەكستٸڭ" ٸشكٸ پورتالىنا سٸلتەمە جاساپ حابارلادى, - دەپ حابارلايدى Tengrinews.kz پورتالى.
كومپانييانىڭ ٸشكٸ پورتالىندا جارييالانعان حابارلاما مەتٸنٸ بار ينتەرنەت-باسىلىمى مەلٸمەتٸنشە, اركاديي ۆولوج قىزمەتكەرلەرمەن قوشتاسۋ حاتىن جازعان, وندا ول "ياندەكستٸ" قايتا قۇرىلىمداۋ جوسپارىن ەبدەن ورىندى جەنە قاجەت دەپ اتاعان.
"ٶزدەرٸڭٸز بٸلەسٸزدەر, مەن رەسەيلٸك "ياندەكستٸ" كٶپتەن بەرٸ باسقارىپ كەلەمٸن, بيىل كومپانيياداعى بارلىق لاۋازىمنان تولىعىمەن كەتۋگە تۋرا كەلدٸ. "ياندەكس" – ٶمٸرٸمنٸڭ جوباسى. ەلدەگٸ ەڭ جاقسى تەحنولوگييا كومپانيياسىن سالعان جەنە سالىپ جاتقانداردىڭ بەرٸنە راقمەت. جاڭا جىل بارشاعا بەيبٸتشٸلٸك ەكەلسٸن", - دەپ جازدى اركاديي ۆولوج.
ۆولوج "ياندەكستٸڭ" ديرەكتورلار كەڭەسٸ مەن باسشىلىعى ەزٸرلەپ جاتقان كومپانييانى قايتا قۇرىلىمداۋ جوسپارى ورىندى جەنە قاجەتتٸ دەپ ەسەپتەيتٸنٸن قوستى. سونداي-اق, كورپوراتسييانىڭ تەڭ قۇرىلتايشىسى ەلٸ دە كومپانييانىڭ تٶرت حالىقارالىق ستارتاپىن دامىتۋعا كٶمەكتەسۋگە مٷددەلٸ ەكەنٸن اتاپ ٶتتٸ.
اركاديي ۆولوج 1964 جىلى اتىراۋدا دٷنيەگە كەلگەن. ول الماتىداعى رەسپۋبليكالىق فيزيكا-ماتەماتيكا مەكتەبٸنٸڭ تٷلەگٸ. سول جەردە يليا سەگالوۆيچپەن تانىسقان (ولار "ياندەكس" ٸزدەۋ جٷيەسٸن جاساعان).
