قىتاي استاناسى بەيجٸڭ قالاسىندا ٶتكەن 2022 جىلعى XIII قىسقى پاراليمپيادا ويىندارى رەسمي تٷردە جابىلدى, دەپ حابارلايدى قازاقپارات.
سالتاناتتى سپورتتىق شارا «قۇس ۇياسى» دەپ اتالاتىن ۇلتتىق ستاديونىندا ٶتكٸزٸلدٸ.
ەلەمنٸڭ 46 ەلٸنەن كەلگەن 564 سايىسقا قاتىسۋشى سپورتتىڭ شاڭعى جارىسىنان, بياتلوننان, تاۋ شاڭعىسى سپورتىنان, سلەدج-حوككەيدەن, ارباداعى كەرلينگتەن جەنە سنوۋبورد سەكٸلدٸ سپورتتىڭ التى تٷرٸنەن 78 جٷلدەنٸ ساراپقا سالدى.
ەسكە سالساق, ايتۋلى الاماندا ەلٸمٸزدٸڭ اتىنان ەربول حاميتوۆ, الەكساندر گەرليتس, دەنيس پەترەنكو, يۋريي بەرەزين جەنە سەرگەي ۋسولتسەۆ پارا شاڭعى جەنە پارا بياتلون سپورت تٷرلەرٸنەن ەل نامىسىن قورعادى.
ولاردىڭ اراسىنان پارا بياتلوننان تٷرەگەپ سىرعاناۋدا الەكساندر گەرليتس قولا جٷلدەگەر اتاندى.
مەدالدار كەستەسٸندە قازاقستان اۋسترالييا جەنە شۆەيتسارييامەن بٸرگە 17-ورىنعا جايعاستى. قىتاي كومانداسى – بٸرٸنشٸ ورىندا, ۋكراينالىقتار – ەكٸنشٸ ورىندا, ال كانادا ٷزدٸك ٷشتٸكتٸ تٷيٸندەدٸ.
قازاقستان سپورتشىلارى پاراليمپيادا ويىندارىنا 1994 جىلدان بەرٸ تۇراقتى تٷردە قاتىسىپ كەلەدٸ.
بٷگٸنگٸ كٷنگە دەيٸن ەل قورجىنىنا 1 التىن, 1 كٷمٸس مەدال تٷستٸ. 1994 جىلى 10 شاقىرىمعا كلاسسيكالىق مەنەردە شاڭعى جارىسىندا قازاقستاندىق ليۋبوۆ ۆوروبەۆا كٷمٸس السا. 2018 جىلى شاڭعىمەن جارىستا الەكساندر كوليادين 1,5 شاقىرىمعا كلاسسيكالىق مەنەردە سپرينت جارىسىندا چەمپيون اتاندى.
ەندٸ XIV قىسقى پاراليمپيادا ويىندارى يتالييانىڭ ميلانە جەنە كورتينا-د’امپەتستسو قالالارىندا 2026 جىلدىڭ 6-15 ناۋرىز كٷندەرٸ ٶتكٸزٸلەدٸ.
