گازا سەكتورىن 2007 جىلدان بەرٸ حاماس باسقارىپ كەلدٸ. وسى ۋاقىت ٸشٸندە ۇيىم تەك قارۋلى توپ قانا ەمەس, ٸس جٷزٸندە بٷكٸل ايماقتىڭ ٷكٸمەتٸنە اينالدى. دەنساۋلىق ساقتاۋ, بٸلٸم بەرۋ, پوليتسييا, مەملەكەتتٸك قىزمەت – بەرٸ حاماس قۇرعان ەكٸمشٸلٸك ارقىلى باسقارىلدى.
ياعني حاماس دەگەن كەدٸمگٸ ٷكٸمەت دەسە بولادى, ەۋروپا وداعى, اقش, كانادا, ۇلىبريتانييا, اۋسترالييا سيياقتى ەلدەر ونى تەرروريستٸك دەپ تانىسا, ال رەسەي, تٷركييا, يران, قىتاي ولاي ويلامايدى. قازاقستان دا ۇيىمعا مۇنداي ايدار تاقپاعان.
بٸراق ەندٸ جاعداي ٶزگەرۋٸ مٷمكٸن. ساۋدييالىق Asharq Al-Awsat پەن Al Hadath باسىلىمدارىنىڭ مەلٸمەتٸنشە, حاماس ٶزٸنٸڭ ٷكٸمەتٸن تاراتىپ, ازاماتتىق باسقارۋدى تەۋەلسٸز تەحنوكراتتار كوميتەتٸنە بەرۋگە دايىندالىپ جاتىر.
بۇل – جاي عانا كادرلىق اۋىس-تٷيٸس ەمەس. ەگەر بۇل جوسپار جٷزەگە اسسا, حاماس العاش رەت گازاداعى كٷندەلٸكتٸ مەملەكەتتٸك باسقارۋدان شەتتەپ, بيلٸكتٸ باسقا قۇرىلىمعا بەرەدٸ.
بٸراق بٸر ماڭىزدى سۇراق بار. بۇل حاماس بيلٸكتەن تولىق كەتەدٸ دەگەن سٶز بە? ەرينە, جوق. ەڭگٸمە تەك ازاماتتىق باسقارۋ تۋرالى بولىپ وتىر.
ياعني مەكتەپتەر, اۋرۋحانالار, كوممۋنالدىق قىزمەتتەر مەن مەملەكەتتٸك مەكەمەلەردٸ جاڭا كوميتەت باسقارادى. ال حاماستىڭ قارۋلى قاناتى مەن ەسكەري قۇرىلىمى ەزٸرگە ساقتالادى. جاڭا كوميتەت شامامەن جارتى جىل بۇرىن اقش ۇسىنعان اتىستى توقتاتۋ باستاماسى اياسىندا قۇرىلعان. ونى دوكتور ەلي شاات باسقارادى. ونىڭ قۇرامىنا پالەستينالىق ساياسي كٷشتەردٸڭ ٶكٸلدەرٸ مەن تەۋەلسٸز ماماندار ەنگەن.
ەڭ كٷردەلٸ مەسەلە – گازاداعى اتىس. بۇل جاعداي ەلٸ دە ٶزگەرگەن جوق. يزرايلدٸڭ ۇستانىمى ٶتە قاتاڭ. پرەمەر-مينيستر بينيامين نەتانياحۋ: "حاماس قارۋىن تاستامايىنشا, گازانى قالپىنا كەلتٸرۋگە مٷمكٸندٸك بەرمەيمٸز", – دەدٸ.
ول يزرايل ەسكەرٸ گازاداعى قاۋٸپسٸزدٸك بەلدەۋلەرٸن ساقتاپ قالاتىنىن دا مەلٸمدەدٸ. ال حاماس مۇنىمەن كەلٸسپەيدٸ.
ۇيىم قارۋدان بٸردەن باس تارتپايتىنىن, بۇل مەسەلە كەزەڭ-كەزەڭٸمەن شەشٸلۋٸ كەرەك ەكەنٸن ايتىپ وتىر. سونىمەن بٸرگە يزرايل ەسكەرٸنٸڭ گازا سەكتورىنان تولىق شىعۋىن تالاپ ەتەدٸ.
يزرايللٸك Kan تەلەارناسىنىڭ حابارلاۋىنشا, حاماس كەلٸسسٶزدەردٸ ەدەيٸ سوزىپ وتىر. ۇيىمنىڭ ەسەبٸنشە, نەتانياحۋ دا يزرايلدەگٸ الداعى سايلاۋعا بايلانىستى ماڭىزدى شەشٸم قابىلداۋعا اسىقپايدى. سوندىقتان ەكٸ تاراپ تا بٸر-بٸرٸنٸڭ كەلەسٸ قادامىن كٷتٸپ وتىرعانداي.
تاعى بٸر كٷردەلٸ مەسەلە بار. قازٸر حاماس ەكٸمشٸلٸگٸندە شامامەن 50 مىڭ مەملەكەتتٸك قىزمەتكەر جۇمىس ٸستەيدٸ. ەگەر بيلٸك جاڭا كوميتەتكە ٶتسە, بۇل ادامداردىڭ تاعدىرى نە بولادى? ولار جاڭا ەكٸمشٸلٸككە قابىلدانا ما, ەلدە جۇمىستان شىعارىلا ما? بۇل سۇراققا ەزٸرگە ناقتى جاۋاپ جوق جەنە دەل وسى مەسەلە كەلٸسسٶزدەردٸڭ ەڭ داۋلى تاقىرىپتارىنىڭ بٸرٸنە اينالعان.
سوندىقتان بٷگٸنگٸ جاڭالىقتى «حاماس تاراتىلدى» دەپ قابىلداۋعا بولمايدى. دۇرىسى – حاماس گازاداعى ازاماتتىق بيلٸكتٸ باسقا قۇرىلىمعا بەرۋگە دايىن ەكەنٸن كٶرسەتٸپ وتىر.
