فوتو: © ريا نوۆوستي
بىلتىر قىركٷيەكتە پرەزيدەنت ۆلاديمير پۋتين "ٸشٸنارا" موبيليزاتسييا جارييالاعان سوڭ, ۋكرايناداعى سوعىستى قولدايتىن رەسەيلٸكتەر سانى كٷرت ازايسا, بيلٸك موبيليزاتسييا اياقتالعانىن حابارلاعاننان كەيٸن ولاردىڭ قاتارى قايتادان كٷرت كٶبەيگەن. بۇل تۋرالى رەسەيلٸك "وبششەستۆەننوە منەنيە" ("قوعامدىق پٸكٸر") قورى جٷرگٸزگەن جابىق سوتسيولوگييالىق زەرتتەۋ قورىتىندىسىنا سٷيەنٸپ The Wall Street Journal باسىلىمى حابارلادى.
ساۋالناما نەتيجەسٸ بويىنشا, بىلتىر قىركٷيەكتٸڭ اياعىندا ۋكرايناداعى "ارنايى ەسكەري وپەراتسييانى" رەسپوندەنتتەردٸڭ 34 پايىزى قولداسا, قاراشانىڭ باسىندا 80 پايىزعا جەتكەن.
امەريكالىق باسىلىمنىڭ جازۋىنشا, بۇل زەرتتەۋگە تاپسىرىس بەرگەن رەسەي پرەزيدەنتٸ ەكٸمشٸلٸگٸندەگٸلەر ەلدە تاعى دا موبيليزاتسييا جارييالانسا, حالىقتىڭ جاپپاي نارازىلىعىن وياتادى دەگەن ٷلكەن قاۋٸپ جوق دەپ ەسەپتەيدٸ.
بىلتىر 21 قىركٷيەكتە رەسەي پرەزيدەنتٸ پۋتين ۋكرايناداعى سوعىستى جالعاستىرۋ ٷشٸن "ٸشٸنارا" موبيليزاتسييا جارييالاعان. رەسمي مەلٸمەت بويىنشا, زاپاستا تۇرعان 300 مىڭنان استام رەسەيلٸك ەسكەر قاتارىنا شاقىرىلعان.
قازاننىڭ اياعىندا رەسەي قورعانىس مينيسترٸ سەرگەي شويگۋ موبيليزاتسييا اياقتالعانى تۋرالى ەسەپ بەردٸ. مۇنان سوڭ پۋتين ەسكەرگە شاقىرۋ اياقتالعانىن مەلٸمدەگەن, بٸراق تيٸستٸ جارلىققا قول قويعان جوق. قۇقىق قورعاۋشىلار رەسەي پرەزيدەنتٸنٸڭ مەلٸمدەمەسٸنە قاراماستان, زاڭ جٷزٸندە "ٸشٸنارا" موبيليزاتسييا ەلٸ توقتاماعانىنا نازار اۋدارادى.
جەلتوقساننىڭ اياعىندا ۋكراينا بيلٸگٸ مەن باتىس ەلدەرٸنٸڭ بارلاۋ قىزمەتتەرٸ 2023 جىلدىڭ باسىندا كرەمل قايتادان موبيليزاتسييا جارييالاپ, بۇل جولى ارمييا قاتارىنا 500 مىڭعا دەيٸن ادام الىپ, ۋكراينا جەرٸندە تاعى بٸر كەڭ كٶلەمدٸ شابۋىل باستاۋى مٷمكٸن دەپ حابارلاعان. ۋكراينا قورعانىس مينيسترٸ الەكسەي رەزنيكوۆ پۋتين ەسكەر قاتارىنا الىناتىن ەر ازاماتتاردى ەلدەن شىعارماۋ ٷشٸن شەكارانى جابۋدى جوسپارلاپ وتىر دەپ مەلٸمدەگەن. كرەمل بۇل سٶزدٸ جوققا شىعارىپ, ەزٸرگە ونداي جوسپارى جوعىن ايتقان. الايدا رەسەي بيلٸگٸ قارۋلى كٷشتەر قاتارىن 1,5 ملن ادامعا دەيٸن جەتكٸزٸپ, مەرزٸمدٸ ەسكەري قىزمەت اتقارۋعا شاقىرىلاتىن ازاماتتاردىڭ ەڭ جوعارعى جاس مٶلشەرٸ 30 جاس دەپ بەلگٸلەۋ جوسپارىن جارييالاعان.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
